"11 مامىرىنان باستاپ قازاقستاندا توتەنشە جاعداي رەجيمى توقتاتىلدى, الايدا حالىقتىڭ قاۋىپسىزدىگىن قامتاماسىز ەتۋ ءۇشىن كارانتيندىك ءىس- شارالار جالعاسىپ جاتىر. ۆەدومستۆوارالىق كوميسسياسىنىڭ حاتتاماسىمەن مەملەكەتتىك شەكارانى وتكىزۋ ءتارتىبى بەكىتىلدى. ءتارتىپ تالابىنا سانيتارلىق ەپيدەميولوگيالىق جاعداي جاقسارعانعا دەيىن شەكارادان وتۋگە ۋاقىتشا شەكتەۋلەر قويىلعان", - دەدى ول.
عاني اعادىلوۆ قازاقستان ازاماتتارى ەل اۋماعىنا كەدەرگىسىز قايتىپ كەلۋىنە, شەتەلدىكتەرگە ەل اۋماعىنان شىعۋعا رۇقسات بەرىلگەنىن اتاپ ءوتتى.
سونداي-اق, ول مەملەكەتتىك شەكارادان كىمدەر كەدەرگىسىز وتە الاتىنىن ايتتى.
"شەكتەۋلەر ديپلوماتتارعا, ۇشاق پەن تەڭىز كەمەلەرىنىڭ ەكيپاجدارىنا, پويىز بريگادالارىنا, جۇك كولىكتەرىنىڭ جۇرگىزۋشىلەرىنە جانە تاعى باسقا تۇلعالارعا قولدانىلمايدى. شەكتەۋلەرگە قاتىستى تولىق تىزبەمەن ۇقك-ءنىڭ knbgovkz سايتىندا shekaraknbkz اككاۋنتتارىندا ورنالاستىرىلعان اقپاراتتارمەن تانىسۋعا بولادى", - دەدى عاني اعادىلوۆ.
