اقمولا, قوستاناي, سولتۇستىك قازاقستان, شىعىس قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى, بۇرشاق جاۋى ىقتيمال. قوستاناي وبلىسىندا سونداي-اق داۋىل كۇتىلەدى.
باتىس قازاقستان, ماڭعىستاۋ, قاراعاندى, كۇندىز الماتى, جامبىل, تۇركىستان, اقتوبە, پاۆلودار وبلىستارىنىڭ كەي جەرلەرىندە جەل 15-20 م/س ارتادى. كۇندىز ماڭعىستاۋ وبلىسىندا شاڭدى داۋىل تۇرادى.
اتىراۋ وبلىسىنىڭ تۇندە باسىم بولىگىندە, كۇندىز كەي جەرلەرىندە جەل 15-20 م/س كۇشەيەدى. قىزىلوردا وبلىسىنىڭ تۇندە كەي جەرلەرىندە, كۇندىز باسىم بولىگىندە 15-20 م/س جەل بولادى. كۇندىز ونىڭ ەكپىنى 23-28 م/س جەتۋى ىقتيمال.
الماتى وبلىسىندا كۇندىز قاتتى ىستىق كۇتىلەدى. اتىراۋ, قىزىلوردا وبلىستارىندا, اقتوبە, قوستاناي, اقمولا, قاراعاندى, تۇركىستان, جامبىل, الماتى وبلىستارىنىڭ باسىم بولىگىندە, باتىس قازاقستان وبلىسىنىڭ وڭتۇستىك-شىعىسىندا وتە جوعارى ءورت قاۋپى ساقتالادى.
