ونلاين-اكادەميادا دينارا سادۋاقاسوۆانىڭ ۆيدەو-ساباقتارى, تاپسىرمالارى مەن تەستتەرى بار. پاندەميا كەزىندە كۋرسقا كىرۋ تەگىن. مۇمكىندىگى شەكتەۋلى جاندارعا وقۋ ءاردايىم اقىسىز.
"بارىنە ارنالعان شاحمات" – تۇرعىن ءۇي قۇرىلىس جيناق بانكىمەن بىرلەسىپ قۇرىلعان جوبا. ءبىزدىڭ ماقسات – شاحمات ويىنىنا دەگەن قىزىعۋشىلىقتى ارتتىرۋ ءارى ەلىمىزدىڭ شەت-شەتىندە شاحماتتى ۇيرەنگىسى كەلەتىن جاننىڭ بارىنە مۇمكىندىك بەرۋ. الەم قارقىندى تۇردە دامىپ جاتىر, قازىر ينتەللەكتۋال قاسيەتتەر مەن ويلاۋ جىلدامدىعى ماڭىزدى. شاحمات – بۇل داعدىلاردى دامىتاتىن تاماشا قۇرال. پلاتفورمادا مەنىڭ قاتىسۋىممەن ۆيدەو-ساباقتار بار", – دەدى دينارا.
كۋرستان بالالار دا, ەرەسەكتەر دە وتە الادى. باعدارلاما دەڭگەيگە بولىنگەن. ءار دەڭگەيدە ۆيدەو-ساباق پەن 200 تاپسىرمانى قامتيتىن 20-25 بلوك بار. وقۋدى اياقتاعاندارعا سەرتيفيكات بەرىلەدى.
تەگىن كۋرسقا مىنا جەردە تىركەلۋگە بولادى.
ء"بىز كوماندامىزبەن بارلىق دەڭگەيگە ارناپ 10-نان استام ساعات ساباق جازدىق. پلاتفورمادا تانىمال شاحماتيستەردىڭ دارىستەرى مەن سەمينارلارى جاريالانادى. بارلىق ادامنىڭ شاحماتقا دەگەن قىزىعۋشىلىعى ارتىپ, ۇيرەنۋ مۇمكىندىگى بولعانىن قالايمىز", – دەدى شاحمات اكادەمياسىنىڭ ديرەكتورى اينۇر وتەشەۆا.
