سپورت • 26 ماۋسىم، 2020

«بارىسقا» جاڭا شابۋىلشى كەلدى

13 رەت كورسەتىلدى

قۇرلىقتىق حوككەي ليگاسىندا ونەر كورسەتەتىن «بارىس» كلۋبى شۆەتسيالىق شابۋىلشى ياكوب ليليامەن قۇرامىن كۇشەيتتى. بۇل تۋرالى كلۋبتىڭ ءباسپاسوز قىزمەتى حابارلادى.

26 جاستاعى حوككەيشى 2018/19 جىلعى شۆەتسيا چەمپيوناتىنىڭ «يۋرگوردەن» كومانداسىندا ونەر كورسەتىپ، ۇزدىك شابۋىلشى اتانعان. ول 52 ماتچتا مۇزايدىنعا شىعىپ، قارسىلاس قاقپاسىن 12 مارتە ءدال كوزدەپ، ارىپتەستەرىنە 25 رەت ناتيجەلى پاس اسىرعان. ال پلەي-وفف كەزەڭىندە تاعى 8 شايبا سوعىپ، 5 شايبانىڭ سوعىلۋىنا مۇمكىندىك جاساعان. سول ماۋسىمدا ليليانىڭ كومانداسى شۆەتسيا بىرىنشىلىگىنىڭ كۇمىس جۇلدەگەرى اتاندى.

وسىنداي تابىستى ونەرىنەن كەيىن ياكوب ليليا ۇلتتىق حوككەي ليگاسىنىڭ «كولامبۋس» كلۋبىندا ويناۋعا مۇمكىندىك الدى. بىراق الەمنىڭ ەڭ ۇزدىك ليگاسىندا ونىڭ ويىنى جۇرمەدى. ءبىر جىلدىڭ ىشىندە ول 37 ماتچ وتكىزىپ، نەبارى 5 ۇپاي جيناعان. وتكەن ماۋسىمدا ليليا شۆەتسيانىڭ ۇلتتىق قۇراماسىنا شاقىرىلىپ، ەۋروتۋردىڭ بىرنەشە ماتچىنا قاتىستى.

ايتا كەتەيىك، «بارىس» پەن شۆەتسيالىق شابۋىل­شى اراسىنداعى كەلىسىمشارت ءبىر جىلعا جوسپار­لانعان.

 

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

«قىزىل ايماققا» قايتا ورالدى

ايماقتار • بۇگىن، 08:33

ۇقساس جاڭالىقتار