مەملەكەت باسشىسىنىڭ جارلىعىمەن ەلجان امانتاي ۇلى ءبىرتانوۆ قازاقستان رەسپۋبليكاسىنىڭ دەنساۋلىق ساقتاۋ ءمينيسترى قىزمەتىنەن بوساتىلدى.
ەلجان امانتاي ۇلى ءبىرتانوۆ 1971 جىلعى 18 قازاندا جامبىل قالاسىندا دۇنيەگە كەلدى. الماتى مەملەكەتتىك مەديتسينا ۋنيۆەرسيتەتىن, اريزونا شتاتىنىڭ ۋنيۆەرسيتەتىن, رەسەيدە ديپلومنان كەيىنگى مەديتسينالىق ءبىلىم اكادەمياسىن, شاريتە ۋنيۆەرسيتەتتىك كلينيكاسىن (گەرمانيا), تۇران ۋنيۆەرسيتەتىن, Duke University, Fugua School of Business (اقش), Global Executive مۆا ماگيستراتۋراسىن ءبىتىردى.
الماتى قالاسىندا جەدەل مەديتسينالىق كومەك اۋرۋحاناسىنىڭ رەانيماتولوگ-دارىگەرى, رەسپۋبليكالىق توكسيكولوگيا ورتالىعىنىڭ باسشىسى, دەنساۋلىق ساقتاۋ مينيسترلىگىنىڭ باس توكسيكولوگى, دەنساۋلىق ساقتاۋ مينيسترلىگىنىڭ "دەنساۋلىق ساقتاۋدى دامىتۋ ينستيتۋتى" رمك ديرەكتورى, پرەمەر-ءمينيسترىنىڭ كەڭەسشىسى, "ۇلتتىق مەديتسينالىق حولدينگ" اق باسقارما توراعاسىنىڭ ورىنباسارى, دەنساۋلىق ساقتاۋ ۆيتسە-ءمينيسترى, "ۇلتتىق مەديتسينالىق حولدينگ" اق باسقارما توراعاسى بولىپ جۇمىس ىستەدى.
2014 جىلعى مامىردان باستاپ - مەملەكەتتىك-جەكەمەنشى ارىپتەستىك جوبالارىن سۇيەمەلدەۋ ورتالىعى باسقارماسىنىڭ توراعاسى بولدى. 2015 جىلعى 12 قاراشادان باستاپ – دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى بولدى. 2017 جىلعى 25 قاڭتاردان باستاپ قازاقستان رەسپۋبليكاسىنىڭ دەنساۋلىق ساقتاۋ ءمينيسترى قىزمەتىن اتقاردى.
قازاقستان رەسپۋبليكاسىنىڭ دەنساۋلىق ساقتاۋ ءىسىنىڭ ۇزدىگى. مەديتسينا عىلىمىنىڭ دوكتورى.
