ايماقتار • 25 ماۋسىم، 2020

قاراعاندىدا "جانۇيا" ورتالىعى جۇمىس ىستەي باستادى

72 رەت كورسەتىلدى

قاراعاندى قالاسىندا كوپ بالالى وتباسىلاردى قولدايتىن "جانۇيا" دەپ اتالعان ورتالىق اشىلدى، – دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

جاڭا ورتالىقتىڭ اشىلۋ سالتاناتىنا قاراعاندى قالاسى اكىمىنىڭ ورىنباسارى نۇرلان بيكەنوۆ، قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىلىعى، "وتباسى مەكتەبى" قورىنىڭ وكىلدەرى جانە كوپ بالالى انالار قاتىستى.

"جانۇيا" ورتالىعىندا كوپ بالالى وتباسى مۇشەلەرى بىلىكتى پسيحولوگتاردىڭ، زاڭگەرلەر مەن الەۋمەتتانۋشىلاردىڭ كومەگىنە جۇگىنە الادى. بۇل جەردە دەنساۋلىق ساقتاۋ، ءبىلىم بەرۋ، جۇمىسقا ورنالاستىرۋ، كاسىپكەرلىك، الەۋمەتتىك كومەك كورسەتۋ جانە تۇرعىن ءۇي باعدارلامالارى ماسەلەلەرى بويىنشا كەڭەس الۋعا مول مۇمكىندىك قاراستىرىلعان.

ايتا كەتەتىن ءبىر جايت، كارانتين شارتتارىنا بايلانىستى كەڭەس الۋ الدىن الا جازىلۋ بويىنشا جۇرگىزىلەدى. ورتالىقتا ايىنا ءبىر رەت ااك بەرۋدەن  باستاپ، كوپ بالالى وتباسىندا ءوزارا قارىم-قاتىناس قۇرۋدىڭ پسيحولوگيالىق تاسىلدەرىنە دەيىنگى ارالىقتى ءتۇرلى تاقىرىپتار بويىنشا سەمينارلار وتكىزىپ تۇرۋ جوسپارلانعان.

ورتالىقتىڭ تۇساۋى سالتاناتتى جاعدايدا كەسىلگەننەن كەيىن، العاشقى سەمينار ءوتىپ، "تۇرعىن ءۇي قۇرىلىس جيناق بانكىنىڭ" ماماندارى "باقىتتى وتباسى" مەملەكەتتىك باعدارلاماسى بويىنشا يپوتەكانى قالاي الۋ كەرەكتىگى جايلى ەگجەي-تەگجەيلى ايتىپ بەردى.

ەسكە سالساق، "جانۇيا" ورتالىعى قاراعاندى قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ قولداۋىمەن "وتباسى مەكتەبى" قوعامدىق قورىنىڭ باستاماسى بويىنشا اشىلىپ، جۇمىس ىستەي باستادى.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

29-31 قازان كۇندەرى كۇن جىلىنادى

اۋا رايى • بۇگىن، 12:40

قانداستار ماسەلەسى تالقىلاندى

ساياسات • بۇگىن، 08:12

كوشە كامەراسىنىڭ كومەگى

ايماقتار • بۇگىن، 07:57

ەككەنى – جۇگەرى، ءونىمى ۇدەدى

ەكونوميكا • بۇگىن، 07:37

ۇقساس جاڭالىقتار