نۇر-سۇلتان اكىمدىگىنىڭ بىرىڭعاي بايلانىس ورتالىعى – iKOMEK 109 قىزمەتكەرلەردى قابىلداۋ قورىتىندىسى بويىنشا 15 ادامدى جۇمىسقا قابىلدادى. قازىرگى ۋاقىتتا ىرىكتەلگەن ۇمىتكەرلەر ورتالىقتا وقىتىلۋدا, وقۋ اياقتالعان سوڭ قاشىقتان جۇمىس كەستەسىنە بولىنەدى.
"ارنايى وقىتىلعان ادىسكەر كىرىسپە ساباقتارىن وتكىزەدى. دەرەكتەر بازاسىندا قالانىڭ مەملەكەتتىك باسقارمالارى مەن كوممۋنالدىق قىزمەتتەرىنىڭ جۇمىسى تۋرالى مالىمەتتەر ساقتالادى: انىقتامالىق اقپارات, كوممۋنالدىق قىزمەتتەردىڭ جوسپارلانعان جانە الدىن الۋ جۇمىستارى تۋرالى دەرەكتەر. 1800-دەن استام قىزمەت بويىنشا وپەراتور جاۋاپتى ءبىرىنشى قوڭىراۋدان-اق بەرە الادى", دەيدى iKOMEK قالالىق ورتالىعىنىڭ جەتەكشىسى جاننات ءدۇبىروۆا. وپەراتوردىڭ مىندەتىنە قالانىڭ تىنىس-تىرشىلىگىن قامتاماسىز ەتۋدىڭ بارلىق ماسەلەلەرى بويىنشا تۇرعىنداردان كەلىپ تۇسەتىن وتىنىشتەردى قابىلداۋ, كەڭەس بەرۋ, اقپاراتتىق جۇيەدە تىركەۋ كىرەدى.
