قازاقستان • 25 ماۋسىم، 2020

2020 جىلى الەۋمەتتىك تولەم شىعىستارى 20%-عا ارتتى

52 رەت كورسەتىلدى

زەينەتاقى مەن جاردەماقى تولەۋگە ارنالعان رەسپۋبليكالىق بيۋدجەتتىڭ شىعىستارى 2019 جىلمەن سالىستىرعاندا 2020 جىلى 21% - عا ۇلعايدى. بۇل تۋرالى قر پرەزيدەنتى جانىنداعى ورتالىق كوممۋنيكاتسيالار قىزمەتىندە ونلاين رەجيمدە وتكەن حالىققا ەسەپ بەرۋ كەزدەسۋىندە قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ءمالىم ەتتى، - دەپ جازادى Egemen.kz

ءوز سوزىندە قر ەڭبەكمينىنىڭ باسشىسى مەملەكەت حالىققا زەينەتاقى مەن جاردەماقى تۇرىندەگى الەۋمەتتىك تولەمدەردىڭ 39 تۇرىنە كەپىلدىك بەرەتىندىگىن اتاپ ءوتتى. جۇمىس ىستەيتىن ازاماتتار مىندەتتى الەۋمەتتىك ساقتاندىرۋ جۇيەسىنەن 5 الەۋمەتتىك تاۋەكەل بويىنشا تولەم الادى.

2019 جىلى الەۋمەتتىك تولەمدەرگە رەسپۋبليكالىق بيۋدجەتتەن 3،1 ترلن تەڭگە ءبولىندى. زەينەتاقى مەن جاردەماقى جالپى 2،8 ترلن تەڭگەدەن استام سومادا 3،9 ملن ادامعا (حالىقتىڭ 21%) بەرىلدى، ونىڭ ىشىندە: زەينەتاقى تولەمدەرى – 2،2 ملن.استام زەينەتكەر، كولەمى – 2،3 ترلن. تەڭگە; مەملەكەتتىك جاردەماقىلار – شامامەن 1،7 ملن. ادام، كولەمى – 570،5 ملرد. تەڭگە.

مىندەتتى الەۋمەتتىك ساقتاندىرۋ جۇيەسىنەن 194،2 ملرد.تەڭگە سوماسىنا 825،2 مىڭ ادام تولەم الدى.

"2020 جىلى رەسپۋبليكالىق بيۋدجەتتە الەۋمەتتىك تولەمدەرگە 3،5 ترلن تەڭگە قاراستىرىلعان. زەينەتاقىلار مەن جاردەماقىلاردى جالپى 3،4 ترلن تەڭگەدەن استام سومادا 4 ملن ادامعا بەرۋ كوزدەلگەن، بۇل 2019 جىلعى ۇقساس شىعىستارمەن سالىستىرعاندا 21%-عا كوپ"، – دەپ حابارلادى ءبىرجان نۇرىمبەتوۆ.

مينيستر سونداي-اق، 2020 جىلى زەينەتاقى مەن جاردەماقى مولشەرى ەكى رەت كوتەرىلگەنىن اتاپ ءوتتى.

وسىلايشا، اعىمداعى جىلعى 1 قاڭتاردان باستاپ ىنتىماقتى زەينەتاقىلار 7%-عا، بازالىق زەينەتاقىلار 5%-عا ۇلعايدى. ۇستىمىزدەگى جىلعى 1 ساۋىرىنەن باستاپ زەينەتاقىنىڭ ەكى ءتۇرى دە تاعى 5%-عا ارتتىرىلدى. ناتيجەسىندە، ىنتىماقتى زەينەتاقى مولشەرى جىلدىق ماندە 12% - عا، بازالىق زەينەتاقى مولشەرى-10% - عا ۇلعايدى.

سونداي-اق، مەملەكەتتىك الەۋمەتتىك جاردەماقىنىڭ مولشەرى جىلدىق ماندە 10% - عا ۇلعايدى: 1 قاڭتاردان باستاپ 5% - عا جانە 1 ساۋىردەن باستاپ تاعى 5% - عا.

"مىندەتتى الەۋمەتتىك ساقتاندىرۋ تۋرالى" زاڭدى ىسكە اسىرۋ شەڭبەرىندە 2020 جىلعى 1 قاڭتاردان باستاپ مەملەكەتتىك الەۋمەتتىك ساقتاندىرۋ قورىنان تولەنەتىن تولەمدەر مولشەرى: ەڭبەك ەتۋ قابىلەتىنەن ايرىلعان جاعدايدا – 74،4 مىڭ ادام ءۇشىن 69%-عا، اسىراۋشىسىنان ايرىلعان جاعدايدا – 44،8 مىڭ ادام ءۇشىن 41%-عا، جۇمىسىنان ايرىلعان جاعدايدا – 2،5 مىڭ ادام ءۇشىن 44% - عا ۇلعايدى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار