قازاقستان • 25 ماۋسىم، 2020

COVID-19: سىبايلاس جەمقورلىققا قارسى قىزمەت اقپاراتتىق جۇمىس قارقىنىن تومەندەتپەيدى

33 رەت كورسەتىلدى

پاندەميا جاعدايىندا قازىرگى زامانعى تسيفرلىق تەحنولوگيالار مەن دۇنيەجۇزىلىك جەلىنىڭ كەڭ مۇمكىندىكتەرىن ەسكەرە وتىرىپ، سىبايلاس جەمقورلىققا قارسى كۇرەس سالاسىنداعى الدىن الۋ جانە اقپاراتتىق جۇمىستاردى ىسكە اسىرۋدىڭ جاڭا فورماتى قۇرىلدى، - دەپ جازادى Egemen.kz

اتاپ ايتقاندا، "Antikor.LIVE" ونلاين-جوباسى تانىمال بولدى. بۇل الاڭدا اگەنتتىك قىزمەتكەرلەرى دە، ءتۇرلى سالانىڭ ساراپشىلارى دا ءسوز سويلەيدى. كەز كەلگەن ادام ناقتى ۋاقىت رەجيمىندە قىزىقتىراتىن سۇراقتى قويا الادى. ءساۋىر ايىنان باستاپ ەلىمىزدىڭ بارلىق وڭىرىندە 1200-دەن استام تىكەلەي ەفير شىقتى، ولاردى 900 مىڭ ازامات قارادى.

"ەلەكتروندىق ۇكىمەتتىڭ "اشىق ديالوگ" پورتالىندا دا سۇراقتار قويۋعا بولادى. 5 ينتەرنەت-كونفەرەنتسيا بارىسىندا بارلىق تۇسكەن وتىنىشتەر بويىنشا تولىق تۇسىنىكتەمەلەر بەرىلدى.

ازاماتتار "Adal kómek" جوباسىنا ەرەكشە نازار اۋداردى. ونى ۇيلەستىرۋ بەلگىلى قۇقىق قورعاۋشى ايمان ۋماروۆامەن بىرگە جۇزەگە اسىرىلادى. جوبانىڭ زاڭگەر-ۆولونتەرلەرى 600 ونلاين-كەڭەس وتكىزدى. ناتيجەسىندە ازاماتتاردىڭ 1770 پروبلەمالىق ماسەلەسى شەشىلدى.

اگەنتتىك جانىنان قۇرىلعان قوعامدىق الاڭداردىڭ قىزمەتى جانداندى. ارنايى مونيتورينگتىك توپ بۇزۋشىلىقتاردى انىقتاۋ ءۇشىن توسقاۋىل بەكەتتەر مەن الەۋمەتتىك ماڭىزى بار نىساندارعا مونيتورينگ جۇرگىزدى. استانادا جانە وڭىرلەردە اقپاراتتىق-ناسيحاتتاۋ شتابىنىڭ بەلسەندىلەرى سىبايلاس جەمقورلىقتىڭ الدىن الۋ جانە پاراساتتىلىق مادەنيەتىن قالىپتاستىرۋ ماسەلەلەرىنە ارنالعان الەۋمەتتىك جەلىلەرگە 800-گە جۋىق بەينەۇندەۋلەر جولدادى. ولار تاريحىمىزدا تۇڭعىش رەت سىبايلاس جەمقورلىق تاقىرىبىندا ونلاين رەجيمدە ايتىس وتكىزدى.

وسكەلەڭ ۇرپاق ءۇشىن "پاراساتتىلىق – ۇلى اباي مۇراسى" تاقىرىبىندا كەزەكتى جالپى رەسپۋبليكالىق اكتسيا ءوتتى. "Balapan" جانە "EL ARNA" تەلەارنالارىندا ەلىمىزدىڭ 760 مىڭ وقۋشىسى بەينە-ساباقتى تاماشالادى.

اگەنتتىكتىڭ وڭىرلىك دەپارتامەنتتەرى جانىنان "Antikor ortalygy" سەرۆيستىك ورتالىقتارىن اشۋ بويىنشا جۇمىس جالعاسۋدا، وندا جۇگىنگەن كەز كەلگەن ازامات سىبايلاس جەمقورلىققا قارسى تاقىرىپتا بىلىكتى قۇقىقتىق كومەك الا الادى.

بۇكىل ەل اۋماعىندا مۇنداي ورتالىقتار قازىردىڭ وزىندە 15 جانە ولاردىڭ ارقايسىسى "ادالدىق الاڭى" جوباسى اياسىندا سىندارلى ارىپتەستىككە الاڭ ۇسىنادى، ونىڭ الدىندا پاراساتتىلىق مادەنيەتىن ىلگەرىلەتۋ كونتەكستىندە قوعامدىق باقىلاۋ قۇرالدارىن پارمەندى ىسكە اسىرۋدى قامتاماسىز ەتۋ جونىندەگى مىندەتتەر تۇر.

سىبايلاس جەمقورلىق تاۋەكەلدەرىن انىقتاۋ جانە جويۋ بويىنشا جۇمىس اياسىندا مەملەكەتتىك ورگاندارعا بيزنەس-پروتسەستەردى جاقسارتۋ، اكىمشىلىك كەدەرگىلەردى ازايتۋ، زاڭنامانى جەتىلدىرۋ بويىنشا مىڭنان استام ۇسىنىمدار مەن ۇسىنىستار ەنگىزىلدى. تەك مەملەكەتتىك ساتىپ الۋ مونيتورينگى اياسىندا اعىمداعى جىلدىڭ باسىنان بەرى شامامەن 4 ملرد.تەڭگە بيۋدجەت قاراجاتىن ءتيىمسىز پايدالانۋدىڭ الدىن الدى.

اگەنتتىكتىڭ قۇقىق قورعاۋ قىزمەتى اۋىر جانە اسا اۋىر سىبايلاس جەمقورلىق قۇقىق بۇزۋشىلىقتاردى انىقتاۋعا، سىبايلاس جەمقورلىقتىڭ جۇيەلى فاكتىلەرىنىڭ، پاندەميامەن كۇرەسكە بولىنگەن بيۋدجەت قاراجاتىن جۇمساۋ كەزىندە زاڭسىز ءىس-قيمىلدارىنىڭ جولىن كەسۋگە باعىتتالعان.

توتەنشە جاعداي رەجىمىنە بايلانىستى 60 سىبايلاس جەمقورلىق قىلمىسى انىقتالدى، ولاردىڭ كوپشىلىگىندە بلوكپوست جانە اكىمشىلىك ارقىلى زاڭسىز وتكىزگەنى ءۇشىن پارا الۋمەن بايلانىستى كارانتيندىك شارالاردى بۇزعانى ءۇشىن جاۋاپكەرشىلىكتەن باس تارتۋ.

اگەنتتىك جۇرگىزىپ وتىرعان كەشەندى جۇمىس اپتا سايىن «Antikor News» ارنايى جاڭالىقتار شىعارىلىمى ارقىلى جاريالانادى. بۇگىنگى كۇنگە دەيىن ونىڭ 14 شىعارىلىمى مەملەكەتتىك جانە رەسمي تىلدەردە دايىندالىپ، Facebook، Instagram، Telegram جانە YouTube الەۋمەتتىك جەلىلەرىندە ورنالاستىرىلدى.

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار