ەڭبەكمينىنىڭ باسشىسى 1991 جىلدان بەرى 1 ميلليوننان استام ەتنيكالىق قازاق تاريحي وتانىنا قايتا ورالىپ, ولاردىڭ ءبارى قانداس مارتەبەسىن العانىن, بۇل ەلىمىزدەگى حالىقتىڭ 6%-ىن قۇرايتىنىن اتاپ ءوتتى.
"بيىل 1 ماۋسىمداعى جاعداي بويىنشا رەسپۋبليكامىزعا 3245 وتباسى (6 361 ەتنيكالىق قازاق) كوشىپ كەلدى, قانداستار مەن قونىس اۋدارۋشىلاردان تۇراتىن 631 وتباسى (2 224 ادام) قابىلداۋ وڭىرلەرىندە (شىعىس قازاقستان وبلىسى, سولتۇستىك قازاقستان وبلىسى, اقمولا, پاۆلودار, قوستاناي وبلىستارى) ورنالاستى", – دەدى ءبىرجان نۇرىمبەتوۆ.
سونىمەن قاتار ول اعىمداعى جىلدىڭ 13 مامىرىندا مەملەكەت باسشىسى كوشى-قون پروتسەستەرىن جەتىلدىرۋ تۋرالى زاڭعا قول قويعانىن مىسالعا كەلتىردى. وندا كەلەسى جاڭا ەرەجەلەر كوزدەلگەن:
- "قانداس" تۇسىنىگىنىڭ جاڭا نۇسقاسى. وعان سايكەس ەتنيكالىق قازاقتىڭ بۇرىن قازاقستان رەسپۋبليكاسىنىڭ ازاماتتىعىندا بولماعاندىعى باستى ولشەم بولىپ تابىلادى;
- جەرگىلىكتى اتقارۋشى ورگاننىڭ قانداس مارتەبەسىن التى ايدان اسپايتىن مەرزىمگە, ءبىر رەت جەڭىلدەتىلگەن تارتىپپەن قازاقستان رەسپۋبليكاسىنىڭ ازاماتتىعىن الۋ مۇمكىندىگىن كەڭەيتۋ ماقساتىندا ۇزارتۋى;
- اتاجۇرتىنا ورالعان قانداستارىمىزدىڭ تۇراقتى تۇرۋعا رۇقسات الۋ ءۇشىن دە, قازاقستان ازاماتتىعىن الۋ ءۇشىن دە قۇجاتتاردى ءبىر ۋاقىتتا ۇسىنۋ قۇقىعى بولۋى.
سىرتقى ەڭبەك كوشى-قونى تۋرالى ايتا كەلىپ, مينيستر شەتەلدىك جۇمىس كۇشىن (بۇدان ءارى - شجك) تارتۋ كۆوتاسى, 2019 جىلمەن سالىستىرعاندا 40%-عا ازايعانىنا باستى نازار اۋداردى.
"جىل باسىنان بەرى 7,7 مىڭنان استام شجك تارتۋعا رۇقسات بەرىلدى. جۇمىس بەرۋشىلەر 2,8 ميلليارد تەڭگە كولەمىندە سالىق تولەدى. بۇل رەتتە كادرلارداعى قازاقستاندىق قامتۋدى قامتاماسىز ەتۋ تالابىن ورىندايتىن كومپانيالاردىڭ ۇلەسى قازىر 96%-دى قۇراپ وتىرعانىن", - اتاپ كورسەتتى ءبىرجان نۇرىمبەتوۆ.
