اتالمىش اۋماقتا 386 ءۇيدىڭ 196-سى ۇكىمەتتىك رەزەرۆتەن, ال 190-ى قورلار ەسەبىنەن بوي كوتەرۋدە.
"الداعى 1 شىلدە كۇنى 55 ءۇيدىڭ قۇرىلىسى تولىق اياقتالىپ, 100 ءۇيدىڭ شاتىرى جابىلىپ بىتەدى دەپ جوسپارلاپ وتىرمىز. قۇرىلىس قارقىنى ءبىر ساتكە دە باسەڭدەپ وتىرعان جوق. مەردىگەر مەكەمەلەر ەكى كەزەڭدە جۇمىس ىستەۋدە. ياعني, كۇندىزگى جانە تۇنگى اۋىسىمدا جۇمىستارىن جالعاستىرۋدا. ازىرگە قۇرىلىس ماتەريالدارىنان نەمەسە قۇرىلىسشىلاردان تاپشىلىق ورىن الىپ وتىرعان جوق",- دەيدى ماقتاارال اۋداندىق ساۋلەت, قالا قۇرىلىسى جانە قۇرىلىس ءبولىمىنىڭ باسشىسى بيجان اناربەكوۆ.
جاڭا مولتەك اۋدانداعى 70 گەكتار اۋماقتا تۇرعىن ءۇي قۇرىلىسىنان بولەك, ينفراقۇرىلىمدىق ياعني گاز, سۋ, جول, جارىق تارتۋ جۇمىستارى قاتار جۇرگىزىلۋدە. سونداي-اق, 1200 ورىندىق مەكتەپ پەن 280 ورىندىق بالاباقشانىڭ ورنىن ازىرلەۋ جۇمىستارى جالعاسۋدا.
