قازاقستان • 24 ماۋسىم، 2020

سىبايلاس جەمقورلىققا قارسى كۇرەسكە ارنالعان پوشتا ماركالارى شىقتى

47 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگى مەن "قازپوشتا" اق سىبايلاس جەمقورلىققا قارسى كۇرەسكە ارنالعان پوشتا ماركالارىن ساتىلىمعا شىعارۋ ءراسىمىن وتكىزدى، - دەپ حابارلايدى Egemen.kz.

سىبايلاس جەمقورلىققا قارسى قىزمەت – تاقىرىپتىق ماركا شىعارعان العاشقى قۇقىق قورعاۋ ورگانى.

ماركا ديزاينىنا قۇقىق قورعاۋ ورگانىنىڭ كوممۋنيكاتيۆتى لوگوتيپى نەگىزگە الىنعان. ماركادا اگەنتتىكتىڭ "ادىلدىك. پاراساتتىلىق. سەنىم" قۇندىلىقتارى جازىلعان. بۇل قۇندىلىقتار لوگوتيپتە قولدانىلعان تۇستەردە دە بەرىلگەن: اسپان تۇستەس – ادىلدىكتى، كەمەلدىككە، جاڭارۋعا ۇمتىلۋدى; كوك ءتۇس – سەنىم مەن قاۋىپسىزدىكتى بەينەلەيدى.

پوشتا ماركاسىنا ەستەلىك بەلگى سوعۋ سالتاناتى اگەنتتىك توراعاسى اليك شپەكباەۆ پەن "قازپوشتا" اق باسقارما توراعاسى ساكەن سارسەنوۆتىڭ قاتىسۋىمەن ءوتتى.

سىبايلاس جەمقورلىققا قارسى قىزمەت باسشىسى ءوز سوزىندە شارانىڭ ماڭىزىن اتاپ ءوتتى.

"جەمقورلىقپەن كۇرەس وزگەرىسكە ۇشىرادى. بۇرىنعى قورقىنىشتى، جازالاۋ شارالارىنا بەرىلگەن باسىمدىق ەندى قۇقىق بۇزۋشىلىقتاردىڭ الدىن الۋعا، ونىڭ مۇمكىندىكتەرىن جويۋعا اۋىستى. Cوندىقتان اگەنتتىك قىلمىستىق-قۇقىقتىق شارالارمەن قوسا جەمقورلىقتى قابىلداماۋ يدەياسىن ناسيحاتتاۋعا، اقپاراتتاندىرۋعا، سونىمەن قاتار ازاماتتىق قوعامدى كەڭىنەن جۇمىلدىرۋعا كۇش سالۋدا. ماركانى شىعارۋ – وسى جولداعى قادامنىڭ ءبىرى"، – دەدى اليك شپەكباەۆ.

ال ۇلتتىق پوشتا وپەراتورىنىڭ باسشىسى ساكەن سارسەنوۆ:

"ماركا شىعارۋ – قازاقستان اۋماعىندا سىبايلاس جەمقورلىققا توزبەۋ يدەياسىن تاراتۋعا جانە سىبايلاس جەمقورلىققا كورىنىستەرىنە جول بەرمەۋ تۋرالى ەلباسى مەن مەملەكەت باسشىسىنىڭ ۇستانىمىن ساقتاۋعا مۇمكىندىك بەرەتىن قۇرمەتتى ءارى ۇمىتىلماس وقيعا بولادى دەپ ۇمىتتەنەمىز"، – دەدى.

ماركا 2020 جىلدىڭ 24 ماۋسىمىنان باستاپ اينالىمعا ەنەدى. باعاسى – 200 تەڭگە. تارالىمى – 10 000 دانا. ماركانى "مەملەكەت ساياساتى" سەرياسىمەن تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى شىعاردى. اۆتور جانە گرافيكالىق ديزاينەر د.سو، تەحنيكالىق ديزاين ءى.وڭعارباي.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار