شاراعا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قاتىستى. ماراپاتقا ءبىلىم بەرۋ, دەنساۋلىق ساقتاۋ, الەۋمەتتىك قورعاۋ سالالارىندا جەمىستى جۇمىس جاساپ, كوروناۆيرۋس پاندەمياسىمەن كۇرەستە ەرەكشە كوزگە تۇسكەن ازاماتتار يە بولدى. "بۇگىن Biz Birgemiz جالپىۇلتتىق ونلاين-فورۋمى ءوتتى. مەملەكەت باسشىسى قاسىم-جومارت كەمەل ۇلى توقاەۆ ءبىزدىڭ حالقىمىزعا ىنتىماق, تۇراقتىلىق جانە جاناشىرلىق سياقتى قۇندىلىقتار ءتان ەكەنىن اتاپ ءوتتى", – دەپ جازدى ا. كولگىنوۆ ءوزىنىڭ ينستاگرامداعى پاراقشاسىندا. ول قازاقستان پرەزيدەنتىنىڭ اتىنان "حالىق العىسى" مەدالىمەن كوروناۆيرۋسپەن كۇرەستە ەرەكشە كوزگە تۇسكەن تۇرعىندار ماراپاتتالعانىن اتاپ ءوتتى. "دارىگەرلەرىمىز بىرنەشە اي بويى كۇندىز-ءتۇنى جۇمىس ىستەدى. ولار وزدەرىنىڭ قاجىرلى ەڭبەگىمەن جانە كاسىبيلىگىمەن ناۋقاستاردىڭ ءومىرىن ساقتاپ, قيىن ساتتە جانىندا بولدى. پوليتسەيلەر قالاداعى قاۋىپسىزدىك پەن ءتارتىپتى قامتاماسىز ەتىپ, تۇرعىندارمەن ءتۇسىندىرۋ جۇرگىزدى. مۇعالىمدەر توتەنشە جاعداي جانە كارانتين كەزىندە وقۋ فورماتىن قايتا قالىپتاستىرىپ, بالالاردى وقىتتى. ەرىكتىلەر, مەتسەناتتار جانە باسقا دا قالا تۇرعىندارى كۇن سايىن ينفەكتسيامەن كۇرەستە الدىڭعى قاتاردا ءجۇردى. بارلىقتارىڭىزعا ۇلكەن العىس بىلدىرەمىز. ۆيرۋس ءالى بار ەكەنىن ەستە ساقتاۋ كەرەك. بىراق بىرلەسكەن كۇش-جىگەرمەن ءبىز وسى قيىن كەزەڭدى ەڭسەرەمىز! #BizBirgemiz!", – دەدى ا.كولگىنوۆ.
