«بولاشاق» كوللەدجىندە سۋ كولىگىن پايدالانۋ ماماندىعى بويىنشا ءبىلىم العان ولار بيىل وقۋدى اياقتاپ ءوز ەرىكتەرىمەن اسكەرگە اتتانۋعا شەشىم قابىلداعان.
– اسكەردە قىزمەت ەتۋ بالا كۇنگى ارمانىمىز ەدى. سەبەبى وتان الدىنداعى بورىشتى وتەۋ – ەرلىك. ەلدى, جەردى قورعاۋ – اركىمنىڭ پارىزى, مىندەتى. ابىرويلى مىندەتتى ەرىك-جىگەرمەن ورىندايتىنىمىزعا سەنىمدىمىز, دەگەن اقارىستىڭ ءسوزىن باۋىرلارى قولداپ-قۋاتتاپ وتىر.
سپورتتى جانىنا سەرىك ەتكەن جاس جىگىتتەر وزدەرىن كوڭىلدى, شيراق ۇستاپ, «وتان قورعاۋعا دايىنبىز» دەپ تۇر. اقارىس ءۇش جىلداي كاراتەگە قاتىسسا, بەكارىستىڭ وسى سپورت تۇرىمەن اينالىسىپ جۇرگەنىنە توعىز جىل بولعان. توعىز جىل ىشىندە ول بىرقاتار جارىستا ولجا سالىپ, چەمپيون اتانىپ تا ۇلگەرگەن. ال جانارىس – كۇرەسكە قاتىسىپ, اتالعان سپورت ءتۇرىنىڭ قىر-سىرىنا قانىققان بالۋان.
ەندى ولار ورال قالاسىندا ۇلتتىق ۇلان ساربازدارى اتانباق. ماڭعىستاۋ وبلىسى قورعانىس ىستەرى جونىندەگى دەپارتامەنتى باستىعىنىڭ تاربيە ءىسى جونىندەگى ورىنباسارى قۋاندىق بەردىعاليەۆ اسكەرگە باراتىن جىگىتتەرگە ساتتىلىك تىلەپ, ەل الدىنداعى مىندەتتى ابىرويمەن ورىندالۋلارىنا تىلەك ءبىلدىردى.
ماڭعىستاۋ وبلىسى
