اتالعان ستاندارتتى ازىرلەۋ كەزىندە ۇيىمداعى سىبايلاس جەمقورلىق تاۋەكەلدەرىن تومەندەتۋگە ارنالعان جانە بەدەلىن جاقسارتا وتىرىپ, ىسكەرلىك قارىم-قاتىناستارداعى سەنىمگە ىقپال ەتەتىن, "سىبايلاس جەمقورلىققا قارسى ءىس-قيمىل مەنەدجمەنتىنىڭ جۇيەسى" ISO 37001 حالىقارالىق سىبايلاس جەمقورلىققا قارسى ستاندارتىنىڭ تالاپتارى ەسكەرىلگەنىن اتاپ وتكەن ءجون.
وسىعان بايلانىستى, "Sanaly Urpaq" جوبالىق كەڭسەسى بارلىق وقۋ ورىندارىندا ISO 37001 ەنگىزۋ بويىنشا ۇسىنىستى باستاماشىلىق ەتتى.
وسىلايشا, اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە ISO 37001 حالىقارالىق ستاندارتىنىڭ تالاپتارىنا سايكەس سىبايلاس جەمقورلىققا قارسى ءىس-قيمىل مەنەدجمەنتى جۇيەسىن ازىرلەۋ جانە ەنگىزۋ باسىم مىندەتتەردىڭ ءبىرى بولىپ بەلگىلەندى.
اتقارىلعان جۇمىس شەڭبەرىندە بىرقاتار قۇجاتتار بەكىتىلدى, ولاردىڭ ارقايسىسىنىڭ ەرەجەلەرى قازاقستان رەسپۋبليكاسى زاڭناماسىنىڭ نورمالارىن ەسكەرە وتىرىپ, ISO 37001 تالاپتارى بويىنشا سىبايلاس جەمقورلىققا قارسى ءىس-قيمىلعا باعىتتالعان.
ازىرلەنگەن ادىستەمەگە سايكەس ۋنيۆەرسيتەتتىڭ قۇرىلىمدىق بولىمشەلەرىنىڭ قىزمەتىندەگى سىبايلاس جەمقورلىق تاۋەكەلدەرىنە باعالاۋ جۇرگىزىلدى. تاۋەكەلدەر تسيفرلاندىرىلدى جانە ماڭىزدىلىعى بويىنشا سارالاندى, سونداي-اق ولاردى ازايتۋ جانە جويۋ بويىنشا جاۋاپتى تۇلعالار مەن ءىس-شارالار انىقتالدى.
ناتيجەسىندە ا.ج. 18 ماۋسىمىندا "EVROCERT" ەۋروپالىق كومپانياسى اباي اتىنداعى قازۇپۋ-دىڭ ISO 37001 "سىبايلاس جەمقورلىققا قارسى ءىس-قيمىل مەنەدجمەنتى جۇيەسى" حالىقارالىق ستاندارتىنىڭ تالاپتارىنا سايكەستىك سەرتيفيكاتىن بەردى.
