قوعام • 23 ماۋسىم، 2020

13 وڭىردە حقو-نىڭ جۇمىس كەستەسى وزگەردى

59 رەت كورسەتىلدى

كوروناۆيرۋس ينفەكتسياسىن جۇقتىرعان ازاماتتار سانىنىڭ كۇرت ارتۋىنا بايلانىستى قازاقستاننىڭ كەي وڭىرلەرىندە كارانتيندىك شارالار قايتا كۇشەيتىلۋدە، - دەپ حابارلايدى Egemen.kz.

"ازىق-ت ۇلىك جانە باسقا دا بازارلار، جارمەڭكەلەر، قوعامدىق تاماقتانۋ وبەكتىلەرىمەن قاتار حقو-لاردىڭ دا جۇمىس ۋاقىتى قىسقاردى.

سونىمەن، باس سانيتارلىق دارىگەرلەردىڭ شەشىمى بويىنشا ەلىمىزدىڭ 13 ايماعىندا - اقمولا، اتىراۋ، اقتوبە، الماتى، قاراعاندى، قوستاناي، قىزىلوردا، تۇركىستان، سولتۇستىك قازاقستان، باتىس قازاقستان، جامبىل وبلىستارى مەن الماتى جانە شىمكەنت قالالارىنداعى حقو-لاردىڭ جۇمىس كەستەسى قىسقارتىلدى. ال  شىعىس قازاقستان وبلىسىندا حقو-نىڭ جۇمىس ۋاقىتىنا وزگەرىس تەك سەمەي قالاسى بويىنشا ەنگىزىلدى.
قازىرگى تاڭدا "ازاماتتارعا ارنالعان ۇكىمەت" مەملەكەتتىك كورپوراتسياسىنىڭ فرونت-وفيس قىزمەتكەرلەرى بانك وپەراتورلارى، دارىگەرلەر مەن پوليتسەيلەر سەكىلدى ازاماتتارمەن تىكەلەي بايلانىستا جۇمىس جاساپ جاتىر. بولىمدەردە سانيتارلىق-ەپيدەميولوگيالىق، الەۋمەتتىك قاشىقتىق جانە بەتپەردە رەجيمدەرى قاتاڭ ساقتالعان. الايدا، قىزمەت الۋشىلار وزدەرىن جايسىز سەزىنىپ نەمەسە سىرقات بەلگىلەرىن بايقاسا حقو-عا بارۋدان باس تارتۋعا كەڭەس بەرەمىز.
كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا اۆتوكولىك يەلەرىن مامانداندىرىلعان حقو-عا بارماي-اق، مەملەكەتتىك قىزمەتتەردى ونلاين الۋعا شاقىرامىز. بۇگىندە اۆتوكولىكتى تىركەۋ جانە جۇرگىزۋشى كۋالىگىن اۋىستىرۋ ونلاين رەجيمدە قولجەتىمدى.
ەستەرىڭىزگە سالا كەتەيىك، حقو مامىر ايىندا جۇمىسىن قايتا باستاعان بولاتىن. پاندەميا جاعدايىندا ازاماتتارعا ارنالعان ۇكىمەت جۇمىستىڭ جاڭا فورماتىنا كوشۋگە ءماجبۇر بولدى.
اتاپ ايتقاندا، قازىر حقو-لار ەلەكتروندى پورتالدا قولجەتىمسىز "قاعاز"  تۇرىندەگى قىزمەتتەردى عانا كورسەتەدى.  قىزمەت الۋشىلاردى حقو-عا كەلۋىن الدىن-الا egov.kz پورتالىنداعى ارنايى سەرۆيس جانە ي eGovKzBot2.0 تەلەگرام-بوتى ارقىلى برونداۋى قاجەت"، - دەلىنگەن حابارلامادا.

و

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار