ايماقتار • 22 ماۋسىم، 2020

سولتۇستىك قازاقستاندا 4 كۇندە 32 جۇرگىزۋشى جاۋاپكەرشىلىككە تارتىلدى

46 رەت كورسەتىلدى

سولتۇستىك قازاقستان وبلىسىنىڭ پوليتسەيلەرى “قاۋىپسىز جول” جەدەل-پروفيلاكتيكالىق ءىس-شاراسىن اياقتادى، دەپ حابارلايدى ءىىم ءباسپاسوز قىزمەتى.

ءتورت كۇن بويى ءتارتىپ ساقشىلارى جول قوزعالىسىنا قاتىسۋشىلاردىڭ جول ءجۇرىسى ەرەجەلەرىن ساقتاۋىن كۇشەيتىلگەن تۇردە قاداعالادى.

بۇزۋشىلىقتاردىڭ باسىم بولىگى – قاۋىپسىزدىك بەلبەۋىن ەلەمەۋ، ولاردىڭ سانى – 435. سونداي-اق 256 جۇرگىزۋشى اۆتوكولىك باسقارۋ كەزىندە ۇيالى تەلەفون قولدانعان.

"وكىنىشكە قاراي كوپتەگەن جۇرگىزۋشى وزىنە قولايلى بولۋى ءۇشىن جول ءجۇرىسى ەرەجەلەرىنىڭ تالاپتارىن ەلەمەيدى"، دەيدى بۇل جونىندە سقو پد باستىعىنىڭ ءبىرىنشى ورىنباسارى قانات ايتباەۆ. الايدا جول-كولىك وقيعاسى ورىن العان كەزدە جۇرگىزۋشىنى جولداعى جاعدايدان الاڭداتقان تەلەفونداعى اڭگىمە دە، قاۋىپسىز بەلدىگىن تاقپاي وزىنە سەنىمدى بولۋى دا ماڭىزدى بولمايدى. زاڭنىڭ ءار نورماسى جولدا قايعىلى جاعدايدىڭ ورىن الۋىن بارىنشا ازايتۋعا باعىتتالعانىن ەستە ساقتاعان ءجون.

13 اۆتوموبيل يەسى كولىك قۇرالىن زاڭسىز قايتا جابدىقتاعانى ءۇشىن جاۋاپقا تارتىلدى، ونىڭ تورتەۋى – تالاپتارعا سايكەس كەلمەيتىن كسەنون شامدارىن ورناتقاندار. پوليتسەيلەر: كولىككە تاققان ارزان شامداردىڭ اقىرى جاقسىلىققا اپارمايتىندىعىن، قارسى باعىتتاعى جۇرگىزۋشىنىڭ كوزىن فارا جارىعى شاعىلىستىراتىنىن ەسكەرتەدى. دۇرىسى سەرتيفيكاتتالعان تاۋاردى تاڭداپ، كولىكتى قايتا جابدىقتاۋدى زاڭمەن بەلگىلەنگەن تارتىپتە جۇرگىزگەن ابزال.

ءتورت كۇننىڭ ىشىندە انىقتالعان ورەسكەل بۇزۋشىلىقتىڭ ەڭ كوبى – 32 فاكتى باعدارشامنىڭ تىيىم سالاتىن سيگنالىنا ءوتۋ، 55 فاكتى مانەۆر جاساۋ قاعيدالارىن بۇزۋ. 45 جۇرگىزۋشى كوشە قيىلىستارى مەن وتكەلدەردە جاياۋ جۇرگىنشىلەرگە باسىمدىلىق بەرمەگەن. بۇدان باسقا، 32 جۇرگىزۋشى كولىكتى باسقارۋ قۇقىعىنان ايىرىلعان، سوعان قاراماستان ماساڭ كۇيدە رولگە وتىرعان. ونىڭ بىرەۋى 28 جاستاعى پەتروپاۆلدىق سەنبىلىك كەشكىسىن جامبىل كوشەسىندە توقتاتىلعان، مەديتسينالىق كۋالاندىرۋ كەزىندە ورتاشا دارجەدەگى ماساڭدىق ەكەنى انىقتالدى.

پوليتسەيلەر بارلىعى جەدەل-پروفيلاكتيكالىق ءىس-شارا بارىسىندا ەكى مىڭنان استام ءتۇرلى قۇقىق بۇزۋشىلىقتى انىقتادى.

سوڭعى جاڭالىقتار

ۇقساس جاڭالىقتار