ۇشۋ قاۋىپسىزدىگىن قامتاماسىز ەتۋ شارالارى

قازاقستان • 22 ماۋسىم، 2020

"بەك ەير" اۋە كومپانياسىنىڭ پايدالانۋشى سەرتيفيكاتى كەرى قايتارىلدى

32 رەت كورسەتىلدى

يدم ازاماتتىق اۆياتسيا كوميتەتى جانە قازاقستاننىڭ اۆياتسيالىق اكىمشىلىگى ۇشۋ قاۋىپسىزدىگىن قامتاماسىز ەتۋ اياسىندا كەلەسى جۇمىستاردى جۇرگىزدى. بۇل تۋرالى يدم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

ايىم ءداۋىت

يدم ازاماتتىق اۆياتسيا كوميتەتى جانە قازاقستاننىڭ اۆياتسيالىق اكىمشىلىگى ۇشۋ قاۋىپسىزدىگىن قامتاماسىز ەتۋ اياسىندا كەلەسى جۇمىستاردى جۇرگىزدى:

قازاقستاننىڭ اۆياتسيالىق اكىمشىلىگى بۇزۋشىلىقتاردى جويۋ تۋرالى نۇسقاۋلىقتاردى ورىنداماۋىنا بايلانىستى "بەك ەير" اۋە كومپانياسىنىڭ پايدالانۋشى سەرتيفيكاتى كەرى قايتارىپ الدى.

قازاقستان رەسپۋبليكاسى جانە يكاو حالىقارالىق ازاماتتىق اۆياتسيا ۇيىمى زاڭناماسىنىڭ تالاپتارىن ورىنداماۋىنا بايلانىستى "Azee Air" جشس جانە "Sigma Airlines" جشس اۋە كومپانيالارىنىڭ پايدالانۋشى سەرتيفيكاتتارى ۋاقىتشا توقتاتىلدى.

ءتيىمسىز ىسكە اسىرىلعان قۇقىق نورمالارىن انىقتاۋ جانە ولاردى جەتىلدىرۋ بويىنشا ۇسىنىستار قالىپتاستىرۋ ارقىلى زاڭنامانىڭ تيىمدىلىگىن باعالاۋ جانە بولجاۋ بويىنشا جۇمىستار جۇرگىزىلۋدە.

وسى ماقساتتا جۇكتەردى تاسىمالداۋعا ارنالعان اۋە كەمەلەرىن تىركەۋگە جانە ولاردى كەيىن باقىلاۋعا ارنالعان قوسىمشا شارتتار انىقتالدى. ولار "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكونوميكالىق ءوسۋدى قالپىنا كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسى زاڭ جوباسىنىڭ تۇجىرىمداماسىنا ەنگىزىلگەن (زاڭدى قابىلداۋدىڭ كۇتىلەتىن مەرزىمى 2020 جىلدىڭ 4 توقسانى).

يكاو-عا مۇشە مەملەكەتتەردە ۇشۋ قاۋىپسىزدىگىن باقىلاۋ دەڭگەيى يكاو ءاۋديتىنىڭ ناتيجەلەرى بويىنشا انىقتالادى (اۋديت نەمەسە ۆاليداتسيالىق ميسسيا).

الدىن الا اقپارات بويىنشا، قازاقستاندا يكاو ءاۋديتى 2022 جىلدىڭ ءبىرىنشى جارتىجىلدىعىندا وتەدى دەپ جوسپارلانۋدا.

قازاقستاندا ۇشۋ قاۋىپسىزدىگى سالاسىندا حالىقارالىق ازاماتتىق اۆياتسيا ۇيىمىنىڭ (يكاو) ستاندارتتارى مەن ۇسىنىلاتىن پراكتيكاسىن ءتيىمدى ەنگىزۋ دەڭگەيىن ارتتىرۋ ءۇشىن "قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسى زاڭى جوباسىنىڭ تۇجىرىمداماسى ازىرلەندى (زاڭدى قابىلداۋدىڭ كۇتىلەتىن مەرزىمى 2021 جىلدىڭ 4 توقسانى).

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز