قازىرگى كەزدە ءۇشىنشى كەزەڭدەگى كەزدەسۋلەر وتۋدە. ا توبىندا ازىرگە ۆلاديسلاۆ ارتەموۆ الدا كەلەدى. رەسەي شاحماتشىسى 3,5 ۇپاي ولجالاپ وتىر. ەكىنشى ورىندا – ونىڭ كوماندالىق ارىپتەسى دانيل دۋبوۆ. ونىڭ ەنشىسىندە 3 ۇپاي بار. ءۇشىنشى جانە ءتورتىنشى ورىنداردى نورۆەگيالىق ماگنۋس كارلسەن مەن امەريكالىق حيكارۋ ناكامۋرا بولىسۋدە. ولاردىڭ ارقايسى 2,5 ۇپايدان يەمدەنۋدە.
ۆ توبىندا قورجىندارىندا ءۇش ۇپايدان بار فرانتسيالىق ماكسيم ۆاشە لاگراۆ پەن نيدەرلاندتىق انيش گيري ۇزەڭگى قاعىستىرىپ كەلەدى. ودان كەيىنگى ساتىلارعا قىتايلىق ليجەن دين, رەسەيلىك يان نەپومنياششي جانە امەريكالىق فابيانو كارۋنا جايعاستى. ولاردىڭ كوشباسىنداعى شاحماتشىلاردان جارتى ۇپايى كەم.
