ءتىلسىز جاۋمەن ارپالىساتىن قۇتقارۋشىلار وسىلايشا وزدەرىنىڭ ازاماتتىق پوزيتسياسىن بىلدىرۋدە. قان تاپسىرىپ, قولدان كەلگەنشە كومەك كورسەتىپ جاتقان قۇتقارۋشىلاردىڭ اراسىندا بولعان جايدى كوزىمەن كورىپ, بالالاردىڭ ومىرىنە اراشا تۇسكەندەر دە بار.
ء"بىزدىڭ ءورت ءسوندىرۋ ءبولىمىنىڭ قۇتقارۋشىلارى وقيعا ورنىنا العاشقى بولىپ جەتىپ, ءتىلسىز جاۋدى اۋىزدىقتاۋعا بار كۇشىن سالدى. ودان كەيىن اۋرۋحاناداعى ەكى قىزعا كومەك كەرەك ەكەندىگىن ەستىپ, وبلىستىق توتەنشە جاعدايلار جونىندەگى دەپارتامەنتىنىڭ ماماندارى مەن قالاداعى بارلىق ءورت ءسوندىرۋ بولىمدەرى, سونداي-اق كوكشەتاۋ تەحنيكالىق ينستيتۋتىنىڭ وقىتۋشىلارى وسى شاراعا قاتىسۋدى ءجون سانادىق", – دەيدى №2 مامانداندىرىلعان ءورت ءسوندىرۋ ءبولىمىنىڭ باستىعى جاندوس جارمۇحانبەتوۆ.
ەكى قىزدىڭ جاعدايىنا الاڭداۋلى قالا تۇرعىندارى دا بۇل رەتتە بەلسەندىلىك تانىتۋدا. وبلىستىق قان ورتالىعىنىڭ ماماندارى دونورلاردىڭ كوبەيۋى ادامداردىڭ بويىنداعى جاناشىرلىق سەزىمنىڭ مولدىعىنان دەسەدى.
