ايماقتار • 21 ماۋسىم، 2020

پاۆلودار وبلىسىندا 39 ءورت ءسوندىرۋ بەكەتى قۇرىلدى

23 رەت كورسەتىلدى

وبلىستىق توتەنشە جاعدايلار دەپارتامەنتىنىڭ مالىمەتىنشە، ەلىمىزدىڭ "ازاماتتىق قورعاۋ تۋرالى" زاڭىنا سايكەس جەرگىلىكتى اكىمدىكتەردىڭ قۇزىرەتىنە ءورت ءسوندىرۋ قىزمەتىنىڭ بولىمشەلەرى جوق اۋىلداردا ءورت ءسوندىرۋ بەكەتتەرىن قۇرىپ، ولاردى ماتەريالدىق-تەحنيكالىق جاعىنان قامتاماسىز ەتۋ ايتىلعان، - دەپ حابارلايدى Egemen.kz.

سۋرەتتى تۇسىرگەن: ەربول تەمىر

ال، وبلىستاردىڭ اۋماقتاردى دامىتۋ باعدارلامالارىنا ەلىمىزدىڭ توتەنشە جاعدايلار كوميتەت "توتەنشە جاعدايلارعا قارسى ارەكەت ەتۋ ينفراقۇرىلىمىمەن قامتاماسىز ەتۋ دەڭگەيى" ماقساتتى جوباسىن ەنگىزگەن ەدى. وسى جوبانى ورىنداۋ ماقساتىندا وڭىردە جىل سايىن قاجەتتىلىككە قاراي ءورت ءسوندىرۋ بەكەتتەرى قۇرىلىپ جاتىر.

ءورت ءسوندىرۋ بەكەتتەرى ورماندى اۋىلدىق اۋماقتاردا، جانە ەكىباستۇز، اقسۋ قالالارىنىڭ، باياناۋىل جانە پاۆلودار اۋداندارى اكىمدىكتەرىنىڭ جەكە باستاماسى بويىنشا قۇرىلعان.

وڭىردەگى ورمان-دالالى جەرلەردى، اۋىلداردى ورتتەن قورعاۋدىڭ اۋدانارالىق قۇرىلىمىنىڭ جوباسىنا سايكەس ەكىباستۇز جانە اقسۋ قالالارىنىڭ اۋىلدىق اۋماقتارىندا، اقتوعاي، جەلەزين، ماي، پاۆلودار جانە تەرەڭكول اۋداندارىندا 15 ءورت ءسوندىرۋ بەكەتى قۇرىلدى.

4

سونداي-اق وڭىردەگى  اقتوعاي، اققۋلى، باياناۋىل، ەرتىس، جەلەزين، ماي، ۋسپەن جانە شارباقتى اۋداندارىندا 19 ءورت ءسوندىرۋ بەكەتى ءوز جۇمىسىن باستادى.

بيىل اۋماقتاردى دامىتۋ باعدارلاماسى بويىنشا اققۋلى، باياناۋىل، ماي، ۋسپەن جانە شارباقتى اۋداندارىندا 5 ءورت ءسوندىرۋ بەكەتىن قۇرىلادى.

بۇعان دەيىن قۇرىلعان 39 ءورت ءسوندىرۋ بەكەتى 45 مىڭعا جۋىق تۇرعىنى بار 161 اۋىلدى ءورت قاۋپىنەن قورعاۋدا. ءورت ءسوندىرۋ بەكەتتەرىنىڭ قاراماعىندا 41 بىرلىك تەحنيكاسى، ونىڭ ىشىندە 24 ءورت ءسوندىرۋ جانە 17 لايىقتالعان تەحنيكا بىرلىگى بار.

21

توتەنشە جاعدايلار دەپارتامەنتى جەرگىلىكتى اكىمدىكتەرگە بەكەتتەردى ارنايى تەحنيكامەن قامتاماسىز ەتۋدە كومەك كورسەتەدى.

2012-2019 جىلدار ارالىعىندا دەپارتامەنت ءوڭىردىڭ قالالىق جانە اۋداندىق اكىمدىكتەرىنىڭ بالانسىنا 32 بىرلىك ارنايى ءورت ءسوندىرۋ تەحنيكاسىن جەتكىزدى.

 54

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار