قوعام • 20 ماۋسىم، 2020

الماتىدا اۋقىمدى دەزينفەكتسيا جۇرگىزىلۋدە

45 رەت كورسەتىلدى

بۇگىن تاڭعى 08:00-دەن باستاپ الماتىدا ادام كوپ جينالاتىن قوعامدىق ورىنداردى جاپپاي دەزينفەكتسيالاۋ جۇمىستارى باستالدى. 20-21 ماۋسىم كۇندەرى مۇنداي جۇمىستار ساعات 08:00-دەن 18:00-گە دەيىن جۇرگىزىلەتىن بولادى، - دەپ حابارلايدى Egemen.kz.

ەسكە سالا كەتەيىك، الماتىدا كارانتيندىك شارالاردىڭ كۇشەيتىلۋىنە جانە ساۋدا ورتالىقتارىنىڭ بازارلاردىڭ، ساياباقتار مەن سكۆەرلەردىڭ، ادامدار كوپ جينالاتىن ورىنداردىڭ جابىلۋىنا بايلانىستى، بيىلعى 20-21 ماۋسىمدا كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا اۋقىمدى دەزينفەكتسيالاۋ جۇمىستارىن جۇرگىزۋ جوسپارلانعان.

جالپى، جوسپار بويىنشا 494 نىسان زالالسىزداندىرىلادى، ولار:
الاتاۋ اۋدانىنداعى 8 بازار، 11 ساۋدا ورتالىعى، 4 سكۆەر;
المالى اۋدانىنداعى 6 بازار، 29 ساۋدا ورتالىعى، 47 سپورت نىسانى جانە فيتنەس ورتالىقتار، 1 ساياباق ، 22 سكۆەر، 5 بۋلۆار، 17 جاسىل ايماق;
اۋەزوۆ اۋدانىنداعى 4 بازار، 32 ساۋدا ورتالىعى، 30 فيتنەس ورتالىق، 1 ساياباق، 3 سكۆەر جانە 1 بۋلۆار.
بوستاندىق اۋدانىنداعى 31 ساۋدا ورتالىعى، 59 سپورت نىسانى جانە فيتنەس ورتالىقتار، 4 ساياباق، 3 سكۆەر، 4 بۋلۆار، 3 جاعاجاي;
جەتىسۋ اۋدانىنداعى 16 بازار، 15 ساۋدا ورتالىعى، 15 فيتنەس ورتالىق، 1 ساياباق;
مەدەۋ اۋدانىنداعى 2 بازار، 19 ساۋدا ورتالىعى، 31 فيتنەس ورتالىق، 2 ساياباق، 1 سكۆەر;
ناۋرىزباي اۋدانىنداعى 3 بازار، 2 ساۋدا ورتالىعى، 3 فيتنەس ورتالىق، 2 ساياباق، 1 سكۆەر;
تۇركسىب اۋدانىنداعى 6 بازار، 7 ساۋدا ورتالىعى، 10 فيتنەس ورتالىق، 3 ساياباق، 11 سكۆەر، 1 جاعاجاي.

"الماتى تازالىق" مكك جانە اۋدانداردىڭ مەردىگەرلىك ۇيىمدارىنىڭ كۇشىمەن كوشەلەرگە، ساياباقتار مەن سكۆەرلەرگە، تروتۋارلارعا، كوشە ۋرنالارى مەن ورىندىقتارعا، ايالدامالارعا، بانكوماتتارعا، تەرمينالدارعا، جەر استى جانە جەر ءۇستى وتپەلى جولدارعا كەڭ كولەمدى دەزينفەكتسيا جۇرگىزىلەتىن بولادى.

وسىناۋ بارىنشا اۋقىمدى زالالسىزداندىرۋ جۇمىستارىنا 70 تەحنيكا بىرلىگى جانە 150 ادام جۇمىلدىرىلادى. دەزينفەكتسيالىق وڭدەۋ ءۇشىن ادامدار مەن جانۋارلارعا ەشقانداي قاۋىپ توندىرمەيتىن 4-ءشى سىنىپتى قاۋىپسىز پرەپاراتتار قولدانىلادى.

سوندىقتان قالا بيلىگى تۇرعىندارعا اسا قاجەتتىلىك بولماعان جاعدايدا ۇيدەن شىقپاۋعا كەڭەس بەرەدى.

 د

 د

ز

سوڭعى جاڭالىقتار

شيرەك فينالعا ءوتتى

تەننيس • كەشە

ۇقساس جاڭالىقتار