تاراپتار قازاقستان مەن يران اراسىنداعى كولىك تاسىمالى, جۇك ءترانزيتى, اۆياتسيالىق قاتىناس جانە ت.ب. سالالارداعى ەكىجاقتى ىنتىماقتاستىقتى تەرەڭدەتۋ پەرسپەكتيۆالارىن تالقىلادى.
يران تاراپى قازاقستان-تۇركىمەنستان-يران تەمىر جولى الەۋەتىن, سونداي-اق كاسپي تەڭىزى ارقىلى مۋلتيمودالدىق دالىزدەردى ءتيىمدى پايدالانا وتىرىپ, جۇك تاسىمالى كولەمىن ۇلعايتۋعا مۇددەلى ەكەنىن مالىمدەدى.
سونداي-اق ەلدەگى مەن الەمدەگى ەپيدەميولوگيالىق جاعدايدى ەسكەرە وتىرىپ, ەكى ەل اراسىنداعى اۋە قاتىناسىن قالپىنا كەلتىرۋ ماقساتىندا قاجەتتى راسىمدەردى وتكىزۋدىڭ ماڭىزدىلىعىن اتاپ ءوتتى. سونىمەن بىرگە اڭگىمە بارىسىندا كولىك سالاسىنداعى بىرلەسكەن جوبالاردى ىسكە اسىرۋ پەرسپەكتيۆالارى تالقىلاندى.
كەلىسسوزدەر قورىتىندىسىندا تاراپتار بولعان اڭگىمە ءۇشىن ريزاشىلىقتارىن ءبىلدىرىپ, قازاقستان مەن يران اراسىنداعى قارىم-قاتىناستى ودان ءارى دامىتۋدىڭ ماڭىزدىلىعىن اتاپ ءوتتى.
