تولىق اينالمالى ماشينالار, وزدىگىنەن جۇرەتىن بۇرعىلاۋ قوندىرعىلارى, شاحتا ۆاگونشالارى, ۇساقتاۋ جابدىعى سياقتى ءونىم تۇرلەرى يگەرىلدى, سونداي-اق تاۋ-كەن ءوندىرۋ باعىتىنداعى ماشينالار مەن جابدىقتارعا ارنالعان قوسالقى بولشەكتەر ءوندىرىسى جولعا قويىلدى ("مەيكەر" جشس).
تاۋ-كەن ماشينالارىن جاساۋدا 2020 جىلدىڭ 5 ايىندا 8 ملرد تەڭگەنىڭ ءونىمى ءوندىرىلدى. تاۋ-كەن ماشينالارىن جاساۋدىڭ نەگىزگى كاسىپورىندارى − الماتى اۋىر ماشينا جاساۋ زاۋىتى, قاراعاندى قۇيۋ-مەحانيكالىق زاۋىتى, قازتسينكماش, قۇرىلىسمەت, پارحومەنكو اتىنداعى قاراعاندى ماشينا جاساۋ زاۋىتى, كازكاربون.
ەلىمىز بويىنشا يندۋستريا 4.0 ەلەمەنتتەرىن ەنگىزگەن العاشقى كاسىپورىنداردىڭ ءبىرى − قاراعاندى قالاسىنداعى "مەيكەر" جشس.
