"بارسەلونا" ساپىندا 2013-17 جىلدار ارالىعىندا ونەر كورسەتكەن 28 جاستاعى شابۋىلشى نەيمار 2014 جىلى كلۋبقا قارسى شاعىم تۇسىرگەن. شاعىمىندا ول 2016 جىلى كلۋبپەن كەلىسىمشارتتى ۇزارتقانى ءۇشىن سىياقى رەتىندە الاتىن 43,6 ميلليون ەۋرونى الماعانىن ايتقان.
الايدا, سوت بۇگىن شابۋىلشىنىڭ شاعىمىن ماقۇلداماي, "بارسەلونانىڭ" پايداسىنا شەشىم شىعاردى. ونىمەن قوسا سوت برازيليالىق فۋتبولشىعا "بارسەلوناعا" 6,7 ميلليون ەۋرو وتەپ بەرۋدى تالاپ ەتىپ قويدى. ەندى نەيمار كلۋبقا قارسى تاعى دا ءبىر شاعىم دايىنداپ وتىر ەكەن.
ايتا كەتەيىك, فۋتبولشى "بارسەلوناعا" قارسى 3,5 ميلليون ەۋرو كولەمىندە تاعى دا ءبىر رەت ارىز بەرگەن. بىراق سوت بۇل ارىزدى قابىلداۋدان باس تارتتى.
نەيمار 2013 جىلى 57 ميلليون ەۋروعا "بارسەلونا" قاتارىنا قوسىلعان ەدى. ال 2017 جىلى ول 222 ميلليون ەۋروعا "پسج" ساپىنا اۋىستى. بۇل فۋتبول تاريحىنداعى ەڭ ۇلكەن ترانسفەر بولىپ تىركەلگەن بولاتىن.
