ايماقتار • 19 ماۋسىم، 2020

قوستانايدا حقكو جۇمىس كەستەسىن وزگەرتتى

23 رەت كورسەتىلدى

قوستاناي وبلىسىنىڭ حالىققا قىزمەت كورسەتۋ ورتالىقتارى جۇمىس كەستەسىن ۋاقىتشا وزگەرتتى. وبلىستىڭ باس سانيتارلىق دارىگەرىنىڭ 2020 جىلعى 18 ماۋسىمداعى № 29 بۇيرىعىنا سايكەس حقكو-لار ازاماتتاردى ساعات 10:00-دەن 18:00-گە دەيىن قابىلدايدى، - دەپ حابارلايدى Egemen.kz.

"ەندى قوستاناي وبلىسىنىڭ بارلىق حقكو-لارى ساعات 10-دان 18-گە دەيىن جۇمىس ىستەيدى. قازىر حقكو-لاردا قاعاز تۇرىندەگى قىزمەتتەر عانا كورسەتىلەدى. سوندىقتان تۇرعىندار ەلەكتروندىق قىزمەتتەردى وزدىگىنەن نەمەسە وزىنە-ءوزى قىزمەت كورسەتۋ سەكتورلارىنان الاتىن بولادى. وبلىس ورتالىعىندا مۇنداي التى ورتالىق بار.

ازاماتتار قىزمەتتەردى قوستانايداعى حالىققا قىزمەت كورسەتۋ ورتالىقتارىندا كەزەككە الدىن-الا تاپسىرىس بەرگەننەن كەيىن عانا الا الادى. حالىققا قىزمەت كورسەتۋ بولىمدەرىنەن قىزمەت الۋ ءۇشىن ساعات 17.30-عا دەيىن اركىم ءوز كەزەگىن برونداپ ۇلگەرۋى قاجەت. ودان كەشكىسە برونداۋ جارامسىز دەپ تانىلادى"، - دەدى "ازاماتتارعا ارنالعان ۇكiمەت" كە اق قوستاناي وبلىسى بويىنشا فيليالى ديرەكتورىنىڭ ورىنباسارى شىڭعىس اشىربەكوۆ.

كەزەككە egov.kz ەلەكتروندىق ۇكىمەت پورتالىنداعى ارنايى قىزمەت ارقىلى، 1414 ءنومىرى نەمەسە Telegram bot EgovKzBot2.0 ارقىلى تىركەلۋگە بولادى.

سانيتارلىق-ەپيدەميولوگيالىق نورمالاردى ساقتاۋ ماقساتىندا حقكو-عا كەلۋشى مىندەتتى تۇردە مەديتسينالىق ماسكا تاعۋى قاجەت. سونداي-اق ǝلەۋمەتتiك اراقاشىقتىقتى ساقتاۋ قاجەت.

 

 

         قوستاناي وبلىسى

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار