"مەن ءۇشىن پەلە, مارادونا, ليونەل مەسسي جانە كريشتيانۋ رونالدۋدىڭ تورتتىگىنە تەڭ كەلەر ەشكىم جوق. ەشكىمگە ۇقسامايتىن ءوزىنىڭ ويىن مانەرلەرىمەن ولار الەمدىك فۋتبول تاريحىندا وشپەيتۇعىن ءىز قالدىرىپ كەتتى. ارقايسىسى ءوز داۋىرلەرىنىڭ تەڭدەسسىزدەرى. سول سەبەپتى دە مەن ايتۋلى تەڭبىل دوپ شەبەرلەرىن بولە-جارا اتاپ وتىرمىن, - دەيدى رونالدو.
سونىمەن قاتار برازيليانىڭ شوق جۇلدىزى مۇحاممەد سالاح, ەدەن ازار, نەيمار جانە كيليان مباپپەنىڭ ونەرىنە ەرەكشە سۇيسىنەتىنىن تىلگە تيەك ەتە وتىرىپ, ولاردىڭ دا بولاشاعى جارقىن ەكەنىنە قىلاۋداي دا كۇمان كەلتىرمەيتىنى ايتقان ەدى.
43 جاستاعى رونالدو دا كەزىندە ءوز ءداۋىرىنىڭ شوق جۇلدىزدارىنىڭ ءبىرى بولدى. 1993-2011 جىلدار ارالىعىندا "كرۋزەيرو", پسۆ, "بارسەلونا», "ينتەر", "رەال", "ميلان" جانە "كورينتيانستا" وينادى. كلۋبتىق دەڭگەيدە 384 كەزدەسۋ وتكىزىپ, 280 رەت نىسانانى ءدال كوزدەدى. برازيليانىڭ جاسوسپىرىمدەر, وليمپيادالىق جانە ۇلتتىق قۇرامالارى ساپىندا ونەر كورسەتىپ, ەكى دۇركىن الەم چەمپيونى, الەم چەمپيوناتىنىڭ كۇمىس جۇلدەگەرى, كونفەدەراتسيا كۋبوگىنىڭ جەڭىمپازى, امەريكا كۋبوگىنىڭ ەكى جۇركىن جەڭىمپازى جانە اتلانتا وليمپياداسىنىڭ قولا جۇلدەگەرى اتاندى.
رونالدو 1996, 1997, 2002 جىلدارى فيفا-نىڭ تاڭداۋى بويىنشا جىل ويىنشىسى اتاندى. 1997 جانە 2002 جىلدارى «التىن دوپتى» يەلەندى. 1997 جىلى "التىن بۋتسىنى" ەنشىلەدى. ايتۋلى فۋتبولشى ودان باسقا تاعى دا كوپتەگەن اتاقتارعا قول جەتكىزدى.
