مينيستر حابارلاعانداي, اتقارۋشىلىق ءىس جۇرگىزۋ تۋرالى زاڭدا اتقارۋشىلىق ءىس جۇرگىزۋدى جەتىلدىرۋگە, ىستەردىڭ الەۋمەتتىك-ماڭىزدى ساناتتارىن ورىنداۋدىڭ باسىمدىلىعىن قامتاماسىز ەتۋ بويىنشا جسو جانە پالاتالاردىڭ قىزمەتىن ۇيىمداستىرۋعا باعىتتالعان وزگەرىستەر قاراستىرىلعان.
ەندى, ەگەر جەكە سوت ورىنداۋشىسى ءبىر اي ىشىندە اتقارۋشىلىق قۇجاتتار ىستەرىنىڭ الەۋمەتتىك ءمانى بار ساناتتارى بويىنشا ماجبۇرلەپ ورىنداتۋ شارالارىن قابىلداماسا, وندا قىزمەتپەن اينالىسۋ قۇقىعىنا بەرىلگەن ليتسەنزياسىنان ايىرىلادى.
سونىمەن قاتار "قازاقستان رەسپۋبليكاسىنىڭ كەيبىر زاڭنامالىق اكتىلەرىنە اتقارۋشىلىق ءىس جۇرگىزۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ جانە قىلمىستىق زاڭنامانى جەتىلدىرۋ تۋرالى" زاڭى بويىنشا ۋاكىلەتتى ورگاننىڭ (قر ءام) باقىلاۋى جانە پروكۋراتۋرا تاراپىنان قاداعالاۋى كۇشەيتىلدى, بۇل جەكە سوت ورىنداۋشىلارىنىڭ جاۋاپكەرشىلىگىن ارتتىرۋعا ىقپال ەتەدى.
مينيستر اتاپ وتكەندەي, جاڭا زاڭدا شەكتەۋ شارالارىن الىپ تاستاۋ ءتارتىبىن, ونىڭ ىشىندە ءوندىرىپ الۋشىنىڭ ءوتىنىشى بويىنشا قايتارىلعان اتقارۋشىلىق قۇجاتتار بويىنشا رەگلامەنتتەۋ, سونداي-اق ولقىلىقتار مەن كولليزيالاردى جويۋ كوزدەلگەن.
اتقارۋشىلىق ءىس جۇرگىزۋ تۋرالى زاڭدى پارلامەنت قابىلدادى, قازىرگى تاڭدا پرەزيدەنتتىڭ قاراۋىنا جولدانۋعا ازىرلەنۋدە.
