ەلباسى • 18 ماۋسىم، 2020

باۋىرجان بايبەك: ەلباسىنىڭ بۇل سىناقتى دا جەڭىل ەڭسەرەتىنىنە تولىق سەنىمدىمىن 

84 رەت كورسەتىلدى

Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك ەلباسىنىڭ بۇل سىناقتى دا جەڭىل ەڭسەرەتىنىنە سەنىم ءبىلدىردى، - دەپ جازادى Egemen.kz

"قۇرمەتتى دوستار! وكىنىشكە قاراي، كوروناۆيرۋس ىندەتى تۇڭعىش پرەزيدەنتىمىز، ەلباسىعا دا جۇققانى انىقتالدى. بۇل حابار ءبارىمىزدىڭ دە جانىمىزدى جابىرقاتتى. ەل پرەزيدەنتى قاسىم-جومارت توقاەۆتان باستاپ، بۇكىل جۇرتىمىز ەلباسىنىڭ دەنساۋلىعىنا الاڭداپ، تەزىرەك ساۋىعىپ كەتۋىن تىلەپ جاتىر. ءومىردىڭ تالاي اۋمالى-توكپەلى وتكەلدەرىنەن سۇرىنبەي ءوتىپ، قابىرعالى قالىڭ ەلىن وركەنيەت ورىنە باستاپ كەلە جاتقان ەلباسىنىڭ بۇل سىناقتى دا جەڭىل ەڭسەرەتىنىنە تولىق سەنىمدىمىن. بۇعان مەنىڭ ۇزاق جىلدار ەلباسىنىڭ قاسىندا تىعىز جۇمىس ىستەپ، تاعلىمىن الىپ كەلە جاتقان جان رەتىندە تولىق كوزىم جەتەدى"، دەپ جازدى ب. بايبەك.

سونداي-اق ول ەلباسىنىڭ دەنساۋلىعى مىقتى ەكەنىن اتاپ ءوتتى.

"ەلباسى - تەرەڭ پاراسات پەن اسقاق رۋحتىڭ عانا ەمەس، مىقتى دەنساۋلىقتىڭ دا يەسى. جۇمىس كەستەسىنىڭ تىعىزدىعىنا قاراماستان، سالاماتتى ءومىر سالتىن ۇستانىپ، تۇراقتى تۇردە سپورتپەن شۇعىلدانعانىنا تالاي كۋا بولدىم.

ەلگە تۇتقا، جۇرتقا تىرەك بولا بىلگەن كەمەڭگەر باسشىمىزدىڭ تەزىرەك ساۋىعىپ كەتۋىن تىلەيمىن!"، دەدى ب. بايبەك.

سوڭعى جاڭالىقتار

ۇقساس جاڭالىقتار