قازىرگى كەزدە فرانتسيا پروكۋراتۋراسى وسى باعىتتا جان-جاقتى جۇمىستار جۇرگىزۋدە. ولاردىڭ قولىندا لامين دياك حالىقارالىق جەڭىل اتلەتيكا قاۋىمداستىعىن باسقارعان جىلدارى پارا العان, رەسەيلىك سپورتشىلاردىڭ دوپينگ قولدانعانىن جاسىرعان جانە تاعى باسقا قىلمىستار جاساعانى جونىندە بۇلدىتپاس ايعاقتار بار كورىنەدى.
87 جاستاعى لامين دياك سەنەگالدىڭ استاناسى – داكاردا تۋىپ-ءوستى. كەزىندە ۇزىندىققا سەكىرۋدەن فرانتسيا چەمپيونى اتانىپ, 1960 جىلى ريمدە الاۋى تۇتانعان وليمپيا ويىندارىنا بارۋعا مۇمكىندىگى بولدى. الايدا تىزەسىنەن جاراقات الىپ, تورتجىلدىقتىڭ باستى دوداسىنان شەت قالدى. ۇلكەن سپورتپەن قوش ايتىسقاننان كەيىن ءتۇرلى اكىمشىلىك قىزمەتتەر اتقاردى. ال 1999-2015 جىلدار ارالىعىندا حالىقارالىق جەڭىل اتلەتيكا قاۋىمداستىعىن باسقاردى. بۇگىنگى تاڭدا دياك مىرزا جۇبايى ەكەۋى 15 بالانى تاربيەلەپ ءوسىرىپ, ولاردان نەمەرەمە مەن شوبەرە ءسۇيىپ وتىر.
