"قاۋىپتى ىندەتتىڭ ۋشىعا تۇسۋىنە بايلانىستى ۇكىمەت ەپيدەميالىق جاعدايدى تۇراقتاندىرۋ ءۇشىن جاڭا شارالاردى قولعا الدى. وسى ورايدا الماتىدا دا كارانتين رەجيمىن كۇشەيتۋ جونىندە قوسىمشا شارالار قابىلداندى.
سەنبى-جەكسەنبى, ياعني 20-21 ماۋسىم كۇندەرى ءىرى ساۋدا جانە قىزمەت كورسەتۋ نىساندارىنىڭ, قوعامدىق كولىكتىڭ قىزمەتى توقتاتىلادى. بۇعان قوسا ساياباقتار, سكۆەرلەر مەن جاياۋ جۇرگىنشىلەر ايماعى, وزەندەر مەن سۋ قويمالارىنىڭ جاعالاۋلارى, تاۋ شاڭعىسى كۋرورتتارى جانە باسقا دا قوعامدىق ورىندار جابىلادى.
وسىعان بايلانىستى قالا تۇرعىندارىن بۇل جۇمىستارعا تۇسىنىستىكپەن قاراۋعا شاقىرامىن. كارانتين شارالارىن بوساڭسىتۋ – COVID-19-دىڭ ورشۋىنە اكەپ سوقتى. قالا تۇرعىندارىنان كوشەدە ءجۇرۋىن شەكتەتۋىن سۇرايمىز. اسىرەسە قارت ادامداردىڭ ۇيدە وتىرعانى ابزال. قاۋىپى دەندەپ بارا جاتقان مىنا اۋرۋدى تۇنشىقتىرۋ وزىمىزگە بايلانىستى ەكەنىن ەستەن شىعارمايىق. بارلىق تۋىنداعان سۇراقتار بويىنشا 1308 نومىرىندەگى call-ورتالىققا حابارلاسۋعا بولادى", - دەپ جازدى الماتىنىڭ اكىمى.
