ايماقتار • 18 ماۋسىم، 2020

جامبىل وبلىسىنا 5 ايدا 79 ملرد تەڭگەنىڭ ينۆەستيتسياسى تارتىلدى

35 رەت كورسەتىلدى

2020 جىلدىڭ قاڭتار-مامىر ايلارىندا جامبىل وبلىسى بويىنشا نەگىزگى كاپيتالعا سالىنعان ينۆەستيتسيالار كولەمى 79 ملرد تەڭگە بولدى، بۇل وتكەن جىلدىڭ سايكەس كەزەڭىمەن سالىستىرعاندا 2،6%-عا ارتىق. ونىڭ ىشىندە سىرتقى ينۆەستيتسيالار وتكەن جىلدىڭ دەڭگەيىنەن 33% اسىپ، 19 ملرد تەڭگەگە جەتتى، - دەپ حابارلادى وبلىس اكىمىنىڭ ءباسپاسوز قىزمەتى.

جامبىل وبلىسى اكىمدىگى ينۆەستورلارمەن تۇراقتى نەگىزدە كەزدەسۋلەر وتكىزەدى، قارجىلاندىرۋدى تالاپ ەتەتىن جوبالار باستاماشىلارىنا كونسۋلتاتسيالار مەن قارجى كوزدەرىن ىزدەيدى. 2019 جىلعى 28 قاراشادا تۇڭعىش پرەزيدەنت كۇنى اياسىندا ء"بىر تەرەزە" قاعيداتى بويىنشا جۇمىس ىستەيتىن ينۆەستورلاردى سۇيەمەلدەۋ جونىندەگى وڭىرلىك فرونت-كەڭسە اشىلدى. فرونت-كەڭسە الاڭىندا ينۆەستورلارمەن جۇمىس ىستەۋگە تارتىلعان اكىمدىك قۇرىلىمدارى مەن ۇيىمداردىڭ قىزمەتكەرلەرى ورنالاستىرىلعان. بۇل ءوتىنىش بىلدىرگەندەردىڭ باستاپقى سۇرانىسىنىڭ ۋاقىتىن ءبىر جارىم ەسە قىسقارتۋعا مۇمكىندىك بەرەدى.

2020 جىلدىڭ باسىنان بەرى كاسىپكەرلىك سۋبەكتىلەرىنەن 47-دەن استام ءوتىنىشى ءتۇستى، ينۆەستورلارمەن 23-تەن استام جەكە كەزدەسۋ وتكىزىلدى، 11 جوبا سۇيەمەلدەۋگە الىندى.

بۇگىنگى تاڭدا وبلىستا 11،4 مىڭ جاڭا جۇمىس ورنىمەن قامتاماسىز ەتەتىن 69 ينۆەستيتسيالىق جوبا (2020-2025 جج.) پۋلى قۇرىلدى.

جوبالاردى ىسكە اسىرۋعا كەدەرگى كەلتىرەتىن پروبلەمالىق ماسەلەلەردى ۋاقتىلى انىقتاۋ جانە شەشۋ ءۇشى بارلىق جوباعا تۇراقتى نەگىزدە مونيتورينگ جۇرگىزىلەدى. 

بيىل قۇنى 94،2 ملرد تەڭگە بولاتىن 19 ينۆەستيتسيالىق جوبانى جۇزەگە اسىرۋ جوسپارلانۋدا.

 
سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار