كوروناۆيرۋس • 18 ماۋسىم، 2020

اتىراۋداعى ۇلتتىق ساراپتاما ورتالىعى فيليالىنىڭ 14 قىزمەتكەرى ىندەتكە شالدىقتى

22 رەت كورسەتىلدى

كەشە فيليالدىڭ ءبىر قىزمەتكەرىنەن كوروناۆيرۋس ينفەكتسياسى انىقتالعان ەكەن، - دەپ حابارلايدى Egemen.kz.

كوپ ۇزاماي ناۋقاسپەن بىرگە 13 ادام دا تەست تاپسىردى. وكىنىشكە وراي ولاردىڭ  دا قاۋىپتى ىندەتكە شالدىققانى بەلگىلى بولدى.  

سولاردىڭ قاتارىندا فيليالدىڭ ديرەكتورى، اتىراۋ وبلىسىنىڭ بۇرىنعى باس مەملەكەتتىك سانيتارلىق دارىگەرى بولعان تەمىربەك مۇساعاليەۆ تا بار. ول كوروناۆيرۋس جۇقتىرعانىن  الەۋمەتتىك جەلىدە جازىپ، تۇرعىنداردى ساقتانۋعا شاقىردى.  

"بۇگىن مەن تاپسىرعان پتر تەست قورىتىندىسى وڭ ناتيجە كورسەتتى. مەن سانيتارلىق قورعانىس تالاپتارىن ساقتاپ، ماسكا تاقتىم، قولعاپ كيدىم. قولىما دەزينفەكتسيا جۇرگىزدىم. سىزدەر سەكىلدى كوروناۆيرۋستىڭ مەنى اينالىپ وتەتىنىنە سەنىمدى ەدىم. بىراق ولاي بولماي شىقتى. ۆيرۋس قالاعا كىردى"، - دەپ جازدى تەمىربەك مۇساعاليەۆ.

فيليالدىڭ ىندەتكە شالدىققان قىزمەتكەرلەرى اكىمشىلىك پەرسونالدا جۇمىس ىستەگەن ماماندار. ولاردىڭ وسىنداعى زەرتحاناعا قاتىسى جوق بولىپ شىقتى. ال، ورتالىق عيماراتىنا دەزينفەكتسيا جۇرگىزىلىپ، زەرتحانا قالىپتى رەجيمدە جۇمىسىن جالعاستىرۋدا.

سوڭعى جاڭالىقتار

ۇقساس جاڭالىقتار