الەم • 18 ماۋسىم، 2020

فرانتسيادا مەديتسينا قىزمەتكەرلەرى شەرۋگە شىقتى

42 رەت كورسەتىلدى

كارانتين كەزىندە ميلليونداعان فرانتسۋز قول شاپالاقتاپ، كوروناۆيرۋسپەن كۇرەسىپ جاتقان مەديتسينا قىزمەتكەرلەرىنە قۇرمەت كورسەتكەن ەدى. ەندى ولار شەرۋگە شىعىپ، قۇرال-جابدىقتاردىڭ جەتىسپەۋىنە نارازىلىق ءبىلدىردى، - دەپ جازادى Egemen.kz

نارازالىق بىلدىرۋشىلەر قاتارىندا – دارىگەرلەر، مەدبيكەلەر، اكىمشىلىك قىزمەتكەرلەرلەر جانە مەديتسينالىق-الەۋمەتتىك ورتالىقتاردىڭ قىزمەتكەرلەرى بار. ولار سوڭعى جىلدارى فرانتسيا اۋرۋحانالارىندا ماتەريالدىق جانە ادام رەسۋرستارىنىڭ جەتپەيتىنى، سونداي-اق قارقىندى تەراپيا ءبولىمى مەن توسەك سانىڭ قىسقارعانى جونىندە ايتىپ، جان ايقايىن جەتكىزدى. شەرۋگە شىققاندار دەنساۋلىق ساقتاۋ سالاسىندا بيۋدجەتتىڭ قىسقارۋى سەبەپتى داعدارىس كەزىندە قيىندىقتارعا توتەپ بەرە الماعانىن ايتۋدا.

"اۋرۋحانالارعا كادرلار، قاجەتتى قۇرال جابدىقتار كەرەك. تۇندە جۇمىس ىستەۋ كۇندىزگىگە قاراعاندا قيىن ەكەنىن بىلە تۇرا تۇنگى كەزەكشىلىكتەر ءۇشىن ارتىق تولەنبەيدى.19 جاسار قىزعا COVID-19 كەسىرىنەن جەتىم قالعانى تۋرالى ايتۋىما تۋرا كەلدى. سەبەبى، ونىڭ اناسىنا قاراۋعا ءبىزدىڭ مۇمكىندىگىمىز بولمادى. 20 جاستاعى پاتسيەنت پەن 60 جاستاعى ناۋقاس اراسىندا تاڭداۋ جاساۋعا تۋرا كەلدى. اۋرۋحانادا ورىن بولماعانىنان ناۋقاستارعا كومەك كورسەتىلمەي، قايتىس بولدى"، دەيدى شەرۋگە شىققانداردىڭ ءبىرى. 

Euronews اگەنتتىگىنىڭ مالىمەتىنشە، مەديتسينا قىزمەتكەرلەرى اي سايىنعى جالاقى كولەمىن 300 ەۋروعا دەيىن كوتەرۋدى تالاپ ەتتى. مەدبيكەلەردىڭ ءبىرى 20 جىلدان بەرى جۇمىس ىستەپ كەلە جاتقانىنا قاراماستان ايىنا 1900 ەۋرو الاتىنىن، ونىڭ ەلدەگى ەڭ تومەن جالاقىدان 700 ەۋروعا عانا ارتىق ەكەنىن ايتتى. ايتا كەتۋ كەرەك، بريۋسسەلدەگى مالىمەتتەر بويىنشا، فرانتسۋز مەدبيكەلەرى باتىس ەۋروپادا ەڭ از جالاقى الاتىنداردىڭ قاتارىندا.

وسىلايشا ون مىڭعا جۋىق دەنساۋلىق سالاسى قىزمەتكەرلەرى ليون، بوردو، مارسەل جانە پاريجدەگى نارازىلىق شەرۋلەرىنە قاتىستى. ولار ەل بيلىگىنەن داعدارىستان كەيىن دەنساۋلىق ساقتاۋ جۇيەسىندەگى ولقىلىقتاردى تۇزەتۋدى تالاپ ەتتى.

پرەزيدەنت ەممانۋەل ماكرون مەديتسينا قىزمەتكەرلەرىنە قاتىستى ينۆەستيتسيا مەن قىزمەتكەرلەردىڭ جالاقىسىن كوزدەيتىن اۋقىمدى جوسپار ازىرلەۋگە ۋادە بەردى. كەلىسسوزدەر جۇرگىزىلگەنىنە قاراماستان، شەرۋگە شىققاندار بۇنىڭ ءبارى بوس ءسوز ەكەنىن ايتۋدا.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار