زارداپ شەگۋشى بولعان وقيعانى ايتىپ, بىردەن پوليتسياعا حابارلايدى. قىزىلجاردىڭ پينكەرتوندارى دا وسال مامان ەمەس, ولار جوبامەن ۇرىلاردىڭ كەلۋ, ەسىكتى بۇزىپ كىرۋ ۋاقىتتارىن شامالاپ, سول ماڭداعى بەينەكامەرالاردان ناق سول كەزدەگى كورىنىستەردى سارالاي وتىرىپ, ۇرىلاردىڭ كەسكىن كەلبەتىن بىردەن انىقتايدى. ولار قالانىڭ 1992 جانە 1999 جىلدارى تۋعان تۇرعىندارى ەكەن. ۇلكەنىنىڭ تۇرمەگە وتىرىپ شىققانى دا بەلگىلى بولادى. ار جاعى وڭاي, ۇرى قولدا بولماسا دا كارتوتەكادا بار, اينالاسى ەكى ساعاتتىڭ ىشىندە قاراقشىلاردىڭ ولجالارىن “تويلاپ” وتىرعان جەرلەرىندە پوليتسيا ۇستەرىنەن تۇسەدى. قازىر ولاردىڭ ۇستىنەن قىلمىستىق ءىس قوزعالىپ, بۇلتارتپاس شارالارى قولدانىلعان. ۇرلانعان زاتتار مەن اقشانىڭ ءبىر بولىگى يەسىنە قايتارىلدى.
پوليتسيادان مۇنداي جەدەلدىكتى كۇتپەگەن زارداپ شەگۋشى ءوزىنىڭ ريزاشىلىعىن پەتروپاۆلدىڭ پب جالعان العىسىندا تولىق بايانداپتى. “مەن مۇنداي جەدەلدىكتى كۇتكەن جوق ەدىم, پوليتسيادا ءوز ءىسىنىڭ شەبەرلەرى بولعانى مەنى قاتتى قۋانتتى. مەن ولارعا شىن جۇرەكتەن العىسىمدى بىلدىرەمىن”, دەلىنگەن حاتتا.
سقو دپ باستىعىنىڭ ورىنباسارى, پولكوۆنيك رۋسلان نازاروۆتىڭ ايتۋىنا قاراعاندا قىلمىستى جەدەل اشۋعا بەينەكامەلاردىڭ پايداسى زور. سوندىقتان تۇرعىندار بەينەكامەرالار قويدىرىپ, ءوز اۋلالارىنىڭ تەحنيكالىق جاعىنان قاۋىپسىز بولۋىن ويلاعاندارى ءجون دەيدى ول. جىل باسىنان بەرى سقو-دا بارلىعى 303 پاتەر توناۋ فاكتىسى تىركەلىپ, سونىڭ 86,9 پايىزى ءىزىن سۋىتپاي اشىلعان. سونىڭ ىشىندە بەينەكامەرالاردىڭ پايداسى كوپ تيگەن ەكەن.
پەتروپاۆل
