وسىعان سايكەس وڭىردەگى پارتيالىق باقىلاۋ كوميسسياسى ارقىلى جۇمىسشى توپ قۇرىلدى. جۇمىسشى توپ اتالعان ماسەلەلەردى قاداعالاپ, ءتيىستى زەردەلەۋ جۇمىستارىن جۇرگىزدى. Nur وtan پارتياسى تۇركىستان وبلىستىق فيليالى پارتيالىق باقىلاۋ جونىندەگى ينسپەكتورى اسقار ەركىنبەكوۆتىڭ ايتۋىنشا, پارتيا توراعاسىنىڭ ءبىرىنشى ورىنباسارىنىڭ تاپسىرماسىنا سايكەس جۇمىستار جۇرگىزىلگەن. ەمحانانىڭ ينتەرنەت جۇيەسىنە قوسىلماعانى, قۇرىلىس باسقارماسى مەن مەديتسينا مەكەمەسى اراسىندا قابىلداۋ-وتكىزۋ اكتىسىنىڭ تۇزىلمەگەنى انىقتالىپ, ءتيىستى ۇسىنىستار بەرىلگەن. ناتيجەسىندە, مەردىگەر مەكەمە «تەمير-سپەتسستروي» جشس ءوز قارجىسىمەن 2020 جىلدىڭ ناۋرىز ايىندا ينتەرنەت جۇيەسىن تارتىپ بەردى.
ودان بولەك, نىسان وبلىستىق قۇرىلىس باسقارماسى مەن پايدالانۋشى مەكەمە «جەتىساي اۋداندىق ورتالىق اۋرۋحاناسىنىڭ» اراسىندا قابىلداۋ-وتكىزۋ اكتىسىمەن رەسىمدەلدى. قازىرگى تاڭدا اتالعان ەكى ماسەلە دە شەشىمىن تاۋىپ, ەمحانا 1 ساۋىردەن بەرى تولىق قۋاتىندا جۇمىس ىستەۋدە. جالپى, ەمحانانىڭ قۇرىلىسى 2017 جىلى قازاندا باستالىپ, 2019 جىلدىڭ 26 جەلتوقسانىندا اياقتالعان.
جەتىساي اۋداندىق ورتالىق اۋرۋحاناسىنىڭ باس دارىگەرى نۇرلان جولداسبەكوۆتىڭ مالىمدەۋىنشە, مەديتسينالىق مەكەمە حالىققا ساپالى قىزمەت كورسەتىپ جاتىر.
«مەكەمەدە 500-دەي ادام, اتاپ ايتساق, 80 دارىگەر, 300-دەي ورتا بۋىن مەدبيكە جانە 120 كىشى مەدقىزمەتكەر جۇمىس ىستەيدى. قالالىق ەمحاناعا 501 ملن تەڭگەنىڭ قۇرال-جابدىقتارى الىنعان. جابدىقتار رەسەي, يتاليا, وڭتۇستىك كورەيا جانە وزگە مەملەكەتتەردەن جەتكىزىلگەن», دەيدى ول.
جەدەل جاردەم كورسەتۋ ستانساسى مەن اتالعان ەمحانا ءبىر اۋىسىمدا 500 ادامدى قابىلدايدى. مۇنداعى دارىگەرلەر مەن مامانداردىڭ بىلىكتىلىگىن ارتتىرۋ بويىنشا دا ءتيىستى جۇمىستار قولعا الىنعان. جەتىسايلىق تۇرعىندارعا قىزمەت كورسەتىپ جاتقان جاڭا عيمارات ءوڭىر تۇرعىندارىنىڭ دەنساۋلىعىن جاقسارتۋعا وڭ سەرپىن بەرەدى دەگەن سەنىم بار.
