كوروناۆيرۋس • 17 ماۋسىم، 2020

ەلوردادا جەدەل جاردەمگە جۇگىنۋشىلەر سانى كوبەيگەن

63 رەت كورسەتىلدى

نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا وتكەن تاۋلىكتە ەلوردادا جەدەل جاردەم شاقىرۋ سانى 3،5 ەسە ارتقانىن ايتتى، - دەپ حابارلايدى Egemen.kz.

"وتكەن تاۋلىك ىشىندە جەدەل جاردەم شاقىرۋ سانى 3،5 ەسە ارتىپ، 3700-گە جەتتى. 2 مىڭنان استام سوعىلعان قوڭىراۋعا قىزمەت كورسەتىلىپ، 2 ەسە ارتتى. تەك كۆي نىسانىنداعى قوڭىراۋلار سانى سوڭعى تاۋلىك ىشىندە 427-گە دەيىن جەتتى، ياعني 8 ەسە ءوستى"، - دەدى ساۋلە قيسىقوۆا.

ونىڭ ايتۋىنشا، ءوتكەن تاۋلىكتە قوڭىراۋلار مەن جەدەل شاقىرۋلارعا 110-نان استام جەدەل جاردەم بريگاداسى جۇمىس ىستەدى. جىل باسىندا ساتىپ الىنعان ەلۋدەن استام اۆتوكولىك جۇكتەمەنى ازايتۋعا كومەكتەسكەن.

"ەمحانالار دەڭگەيىندەگى كولىكتەر قوسىمشا تارتىلدى. كوروناۆيرۋس ماسەلەلەرى بويىنشا تۇرعىنداردىڭ كەرى بايلانىسىن كۇشەيتۋ ءۇشىن جەدەل جاردەم ستانتسياسىندا قوسىمشا بايلانىس ورتالىعى قۇرىلدى"، - دەدى ول.

سوڭعى جاڭالىقتار

ۇقساس جاڭالىقتار