ء"بىر بىرگەمىز" رەسپۋبليكالىق اكتسياسىنا "فەنيكس", "امانات" ۆولونتەرلار كلۋبتارى, "دۋمان" پەداگوگيكالىق وتريادى مەن "جاس وتان" جاستار قاناتىنىڭ وكىلدەرى ءوز ۇلەسىن قوستى. تۇڭعىش پرەزيدەنتتىڭ باستاماسى بويىنشا 17 مىڭ 225 اقمولالىققا جالپى سوماسى 170 ملن تەڭگەنى قۇرايتىن قارجىلاي كومەك كورسەتىلدى. جاقسىلىق جاساۋدان جارىسقان جاستار اراسىنان ۇزدىك 27 ۆولونتەرعا ەلباسى نۇرسۇلتان نازارباەۆتىڭ اتىنان العىس حات تابىستالدى.
"قۇرمەتتى ۆولونتەرلار! ءبىز سىزدەردىڭ جۇرەك قالاۋىمەن قوعامنىڭ دامۋىنا قوسقان ۇلەستەرىڭىزدى جوعارى باعالايمىز جانە سىزدەرگە بارىنشا قولداۋ كورسەتەمىز. سىزدەردىڭ قاتارلارىڭىزعا قوسىلۋعا ۇمتىلعان وبلىسىمىزدىڭ تۇرعىندارى دا كۇن ساناپ ارتىپ كەلەدى. شىنايى كوڭىلمەن جاسالعان جاقسىلىق قوعامداعى ىزگىلىك پەن ءوزارا سىيلاستىقتى قالىپتاستىراتىنىنا سەنىمدىمىن. سىزدەرگە وبلىستىڭ بارشا تۇرعىندارىنىڭ اتىنان العىس بىلدىرەمىن! سىزدەردى ەلىمىزدىڭ ناعىز پاتريوتتارى دەپ بىلەمىن!", دەيدى وبلىس اكىمى ەرمەك مارجىقپاەۆ.
وڭىردە ۆولونتەرلىق قوزعالىس قارقىن الىپ كەلەدى. وبلىس اۋماعىندا 70-تەن استام ۆولونتەرلىق ورتالىق قىزمەت اتقارادى. ولار 3 مىڭعا تارتا ەرىكتىنى قامتيدى. سونداي-اق, وزگە دە جاستار ۇيىمدارى, قوعامدىق مەكەمەلەر دە ۆولونتەرلىق شارالارعا بەلسەنە ارالاسۋدا.
ء"بىز بىرگەمىز" رەسپۋبليكالىق اكتسياسى ءالى دە جالعاسۋدا. ونىڭ اياسىندا ازاماتتاردى قارجىلاي قولداۋدىڭ 4-ءشى تولقىنى جۇرگىزىلمەك. بۇل جولى 3950 اقمولالىققا 197 ملن 500 مىڭ تەڭگە كومەك ۇسىنىلادى.
