ەكولوگيا • 17 ماۋسىم، 2020

كولىكتەردەن جىلىنا 32،8 مىڭ توننا ۋلى گاز اۋاعا تارايدى

24 رەت كورسەتىلدى

وبلىستىق ەكولوگيا جانە قورشاعان ورتانى قورعاۋ  دەپارتامەنتىنىڭ مالىمەتىنشە، اۆتوكولىكتەردەن شىعاتىن ۋلى گازدىڭ اتموسفەرالىق اۋاعا كەرى اسەرى از ەمەس، دەپ جازادى Egemen.kz

ونەركاسىپتىك زياندى قالدىقتاردان بولەك كولىكتەردەن شىعاتىن گازدىڭ دا ەكولوگيالىق احۋالعا ايتارلىقتاي زالال كەلتىرەدى. ەكولوگتەردىڭ ايتۋىنشا، بەلگىلى ءبىر اۋماقتا اۆتوكولىك شوعىرلا-ناتىن بولسا، ماسەلەن، كەپتەلىس كەزىندە اۆتوموبيلدەن اۋاعا شىعاتىن لاستاۋشى زاتتار كولەمى شەكتى-ۇيعارىندى كونتسەنتراتسياسىنان اسىپ كەتەدى.

بىلتىر وبلىس ورتالىعىندا بەنزينمەن جۇرەتىن 84 اۆتوموبيل تەكسەرىلىپ، 38-ىندە ۋلىلىق نورماسىنان اسقانى انىقتالعان. ال ديزەلمەن جۇرەتىن 58 جۇك كولىگىن تەكسەرگەندە 7-ۋىندە ءتۇتىن ءتيىستى شەكتەن ارتىقتىعى بايقالعان. كولىك يەلەرىنە جەرگىلىكتى پوليتسيا قىزمەتى قىزمەتكەرلەرى تاراپىنان  ايىپپۇل سالىنعان. قازىر وڭىردە 192 مىڭنان استام جەڭىل كولىك تىركەلگەن. وبلىس ورتالىعىندا 91 مىڭ اۆتوموبيل بار.

الماتى مەن نۇر-سۇلتان قالالارىنداعىداي بولماسا دا، وبلىس ورتالىعىنداعى كولىك اعىنى تۇسكى، كەشكى كەپتەلىستەردەن بايقالادى. بۇعان كوپقاباتتى تۇرعىن ۇيلەردىڭ اۋلالارىندا قاپتاپ، زاڭسىزدىقتى بۇزىپ، قاز-قاتار ءتىزىلىپ تۇرعان كولىكتەردى قوسىڭىز.

وزدەرىنىڭ ۇل-قىزدارى، كىشكەنتاي بالالارى وينايتىن اۋلا ءىشىن قالاي ۋلى گازعا تولتىراتىندارىن كولىك يەلەرى ءالى تۇسىنبەي  جۇرگەن سياقتى. وبلىس  ورتالىعىندا  اۆتوتۇراقتار بار، بىراق، از، ونىڭ ءوزى "جابايى" تۇردە جاسالعان.

ەكولوگتەردىڭ ايتۋىنشا،  اۆتوموبيلدەردەن شىعاتىن گاز اۋانى لاستايتىن قاۋىپتى زاتتار قاتارىندا. بەنزينمەن جۇرەتىن كولىكتەردەن كوبىندە اۋاعا كومىرتەك توتىعى، كومىرسۋتەك جانە ازوت توتىعى تارايدى. ال ديزەلدى قوزعالتقىشتارى بار اۆتوموبيلدەردەن ازوت وكسيدى مەن قارا كۇيە شىعادى. پايدالانىلعان گاز اتموسفەرانىڭ جەر بەتىنە جاقىن قاباتىنا قونادى. قاراپايىم تىلمەن ايتساق ادامدار تىنىستايتىن اۋا بولىگىندە قالقىپ تۇرادى ەكەن.

 

پاۆلودار  وبلىسى

سوڭعى جاڭالىقتار

ۇقساس جاڭالىقتار