ايماقتار • 16 ماۋسىم، 2020

ءتارتىپ بۇزۋشىلىقتار سانى شەكتەن شىعۋدا ەكەنى كورىندى

20 رەت كورسەتىلدى

سولتۇستىك قازاقستان وبلىسىنىڭ اۋماعىندا ءتورت كۇنگە سوزىلعان رەسپۋبليكالىق "قۇقىق ءتارتىبى" جەدەل-پروفيلاكتيكالىق شاراسى اياقتالىپ، ونىڭ بارىسىندا 900-گە جۋىق جول ەرەجەسىنءىڭ بۇزۋشىلىعى انىقتالدى، - دەپ حابارلايدى Egemen.kz.

سونىڭ ىشىندە 49 كولىكتى ماس كۇيىندە جۇرگىزۋ، 206 جۇرگىزۋشىلىك كۋالىكسىز رولگە وتىرۋ، 259 شەكتەۋلى جىلدامدىقتى ساقتاماۋ بولىپ وتىر. ۆەلوسيپەدشىلەر دە ءوز قۇقىقتارىن بىلمەيدى. ولار كولىككە مىنگەندەرىنە قاراماي تەك قانا جاياۋ جۇرگىزۋشىلەر وتەتىن جەرلەردە جول بەرمەي، ويقاستاپ جۇرەدى.

سونىمەن بىرگە، "قۇقىق ءتارتىبى" شاراسىنىڭ بارىسىندا ۋچاسكەلىك ينسپەكتورلار 351 جايسىز تۇرمىستاعى وتباسىلاردىڭ دا ءۇيىن تەكسەردى. بۇلاردىڭ ىشىندەگى 42 اتا-اناعا بالالارىنا دۇرىس تاربيە بەرمەگەندىگى، 156 اتا-اناعا ءجاسوسپىرىم بالالارىنىڭ تۇنگى ۋاقىتقا قايدا جۇرگەنىن بىلمەگەندىگى ءۇشىن حاتتاما تولتىرىلىپ، ايىپپۇل سالىندى. ال ساۋدا سالاسىنىڭ ون كاسىپكەرى كامەلەتكە جاسى تولماعاندارعا تەمەكى ونىمدەرىن ساتقاندىعى ءۇشىن ايىپ تارتتى. جالپى، وسى شارانىڭ بارىسىندا اكىمشىلىك زاڭنامانىڭ 3655 بۇزۋشىلىعى انىقتالدى.

"پوليتسيانىڭ ماقساتى بۇزۋشىلىقتار سانىن ارتتىرىپ، ءوزىن جاقسى اتتى كورسەتۋ ەمەس، قالا كوشەلەرى مەن اۋلالاردا، تۇرعىن ۇيلەردە ءتارتىپتىڭ ساقتالۋىنا قول جەتكىزۋ"، - دەيدى سقو پد باستىعىنىڭ ورىنباسارى، پوليتسيا پولكوۆنيگى قانات ايتباەۆ.

 

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار