وبلىستا سوڭعى ءۇش جىلدىڭ ىشىندە 13 الەۋمەتتىك-مادەني نىسان, 7 اۋىلدىق وكرۋگ, 7 اۋىل, 105 كوشەنىڭ اتاۋى وزگەرگەن. بۇرىنعى تاران اۋدانى بەيىمبەت مايلين اۋدانى اتالىپ, زاتوبول كەنتى قالا مارتەبەسىن الىپ, توبىل اتاۋىنا يە بولىپ وتىر.
ودان كەيىن گ.مەندەكينوۆا تىلدەردى قولدانۋ مەن دامىتۋدىڭ 2011-2019 جىلدارعا ارنالعان مەملەكەتتىك باعدارلاماسىنىڭ وڭىردە جۇزەگە اسىرىلۋ بارىسىنا توقتالدى. باسقارما باسشىسىنىڭ ايتۋىنشا, وبلىستا جۇمىس ىستەپ جاتقان 20 ءتىل وقىتۋ ورتالىعىندا سوڭعى ءۇش جىل ىشىندە 18 مىڭنان استام ادام مەملەكەتتى ءتىل ۇيرەتۋ كۋرستارىنان وتكەن. 5 مىڭنان استام ادام اعىلشىن تىلىنە ماشىقتانسا, 437 ءار ۇلتتىڭ وكىلى ءوز انا ءتىلىن ۇيرەنۋ ماقساتىندا كۋرستارعا قاتىسقان.
"تىلدەردى وقىتۋ اۋدان ورتالىقتارىمەن قاتار, اۋىلدىق وكرۋگتەردە دە ۇيىمداستىرىلدى. وتكەن جىلى 70 اۋىلدىق وكرۋگتا قازاق ءتىلىن – 1767 ادام, اعىلشىن ءتىلىن – 114 ادام وقىپ شىقتى. بيىل وبلىسىمىزدا تىلدەردى وقىتۋ جۇمىستارى جالعاسۋدا. جىل باسىنان بەرى تىلدەردى وقىتۋ ورتالىقتارىندا 8679 تىڭداۋشى ءتىل ۇيرەنىپ جاتىر", - دەدى گ.مەندەكينوۆا.
قوستاناي وبلىسى
