ايماقتار • 16 ماۋسىم، 2020

قايتا جوندەۋدەن كەيىن بوتانيكالىق باق اشىلدى

24 رەت كورسەتىلدى

توقسان جىلدىق تاريحى بار بوتانيكالىق باق قايتا جوندەۋدەن كەيىن قالا قوناقتارى مەن تۋريستەرگە ەسىگىن ايقارا اشتى، - دەپ حابارلايدى Egemen.kz.

زاماناۋي تۇرگە بولەنگەن جاسىل باقتا تابيعاتتى تاماشالاپ قانا قويماي، ساف اۋامەن ەركىن تىنىستىپ، دەمالىپ قايتۋعا بولادى.  

2018 جىلى بولات وتەمۇراتوۆ قورىنىنىڭ باستاماسىمەن  جاساعان بولاتىن. جوبانىڭ جالپى 15 ملن اقش دوللارىن قۇرادى. قايىرىلىمدىلىق ماقساتتا جۇزەگە اسقان جوبا اياسىندا باقتىڭ وسىمدىكتەرىنە كۇتىم جاساۋمەن قاتار جايلى ءارى قاۋىپسىز قوعامدىق كەڭىستىك قۇرۋ، ديزاينىندا، ساۋلەتىن تۇرلەندىرۋ باستى جوسپاردا بولعان.

قايتا قۇرۋ اياسىندا باقتا 174،3 مىڭ جاڭا وسىمدىك وتىرعىزىلدى، ونىڭ ىشىندە سيرەك تۇرلەر مەن سۇرىپتار – 1300 استام جاڭا تالدار (بالقاراعاي، بوز ارشا، شيە، الما، المۇرت، قاراورىك، ەمەن، ۇيەڭكى، قايىن، جوكەنىڭ تۇرلەرى)، 40 مىڭ بۇتا، 130 مىڭ استىق تۇقىمداستار مەن كوپجىلدىق گۇلدەر، 3 مىڭ راۋشان گۇل. جاڭارتىلعان باقتىڭ شىنايى اشەكەيلەرى بولعان ساكۋرالار، "شانتەكلەر" المۇرتى، قىزىل جاپىراقتى "رويال رەد" ۇيەڭكىسى (ەۋروپانىڭ شەكتەرىنەن تىس تۇڭعىش رەت وتىرعىزىلعان)، ماگنوليانىڭ بىرنەشە سورتى، بونساي اعاشتارى سەكىلدى ەكسكليۋزيۆتەر وتىرعىزىلعان.

قىزمەتكەرلەرى ءۇشىن باقتىڭ زاماناۋي تۇرلەنۋى عىلىمي جۇمىستاردىڭ ورىستەۋىنە مۇمكىندىك بەرەدى. ماماندار كوگالداندىرۋ جۇمىستارىن ودان ءارى دامىتىپ، قالالىقتارعا تابيعاتتىڭ تىلسىم الەمىمەن تانىسۋعا، قالا ورتاسىنداعى شاعىن ورمانمەن تانىسۋعا مۇمكىندىك بەرەدى.

 

الماتى

 

سوڭعى جاڭالىقتار

ۇقساس جاڭالىقتار