ۇيىم الەمدىك 700 جوعارى وقۋ ورنىن 2004 جىلعى ادىستەمە بويىنشا زەرتتەپ, جىل سايىنعى رەيتينگىن شىعارىپ وتىرادى. بۇل سۇرىپتاۋ قورىتىندىسىنىڭ كورسەتكىشى كوپتەگەن تالاپكەرلەردىڭ تاڭداۋ جاساۋىنا جانە جوعارى وقۋ ورىندارىنىڭ بەدەلىنە ىقپال ەتىپ كەلەدى. سول رەيتينگتە ءبىزدىڭ بىرقاتار وتاندىق ۋنيۆەرسيتەتتەر ۇزدىكتەر قاتارىنان كورىندى.
QS جوعارى ءبىلىم بەرۋ سالاسىنداعى ساراپتامالىق اگەنتتىگى جاقىندا QS World University Rankings الەمنىڭ ۇزدىك ۋنيۆەرسيتەتتەرىنىڭ جىل سايىنعى ءتىزىمىن جاريالادى. ءال-فارابي اتىنداعى قازاق ۇلتتىق ۋنيۆەرسيتەتى اتالعان تىزىمگە ەنگەن الەمدەگى ۇزدىك 1000 جوعارى وقۋ ورنىنىڭ ىشىندە 165-ورىنعا تابان تىرەپتى. ال ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى 365-ورىندى يەلەنگەن.
مۇمكىندىك اياسى كەڭ مەگاپوليستەردەگى وسىنداي ۇلتتىق دەڭگەيدەگى ۋنيۆەرسيتەتتەردەن بولەك وڭىردەگى جوو-نىڭ الەمدىك ۇزدىكتەر اراسىنان كورىنۋى ۇلكەن جەتىستىك. سونىڭ ءبىر دالەلى بولار, م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى 490-ورىندا جانە قاراعاندى مەملەكەتتiك تەحنيكالىق ۋنيۆەرسيتەتi 801-قاتاردا تۇر. بۇل كورسەتكىش مۇنداي تىزىمگە ەنبەي قالعان, دەسە دە حالىقارالىق ستاتۋستى يەلەنىپ وتىرعان كەيبىر ۋنيۆەرسيتەتتەرگە ۇلگى بولۋى كەرەك.
وسى ءتىزىمدى ءارى قاراي ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى 541-550-قاتاردان ورىن الىپ جالعاستىرادى. وسى رەتتە تەحنيكالىق جوو-نىڭ بەدەلى بىزدە جاراتىلىستانۋ جانە تەحنيكالىق ماماندىقتارعا كوپ كوڭىل بولىنگەن سوڭعى 5-7 جىلدىڭ كولەمىندەگى ناتيجەنى كورسەتىپ تۇر دەپ ايتۋعا بولادى. سەبەبى الەمدىك ۇزدىك جوو تىزىمىنە ەنگەن ەلىمىزدەگى تەحنيكالىق ۋنيۆەرسيتەتتەردىڭ قاتارىن وسىدان سوڭ قازاق ۇلتتىق اگرارلىق ۋنيۆەرسيتەتى (591-600 ورىن) مەن قازاق-بريتان تەحنيكالىق ۋنيۆەرسيتەتى (751-800 ورىن) تولىقتىرادى.
ال QS قورىتىندىسى بويىنشا ىرىكتەلگەن ۇزدىك 1000 جوو-نىڭ قاتارىنا قوسىلعان قازاقستاندىق ۋنيۆەرسيتەتتەردىڭ ءتىزىمىن اباي اتىنداعى قازاق ۇلتتىق پەداگوگيكالىق ۋنيۆەرسيتەتى – 601-650; قازاقستان مەنەدجمەنت, ەكونوميكا جانە بولجاۋ ينستيتۋتى (KIMEP) – 751-800; ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى – 800-1000 ورىنمەن قورىتىندىلايدى.
ايتا كەتەيىك, QS ساراپتاماسى ۋنيۆەرسيتەتتەردى اكادەميالىق ەكسپەرتتىك باعالاۋ (40%); رەكرۋتەرلىك ەكسپەرتتىك باعالاۋ (10%); فاكۋلتەتتەگى ستۋدەنتتەر سانى (20%); فاكۋلتەت بويىنشا تسيتاتالار (20%); حالىقارالىق باعىت (10%) ساناتتارى بويىنشا باعالايدى.
