ەكونوميكانىڭ بارلىق دەرلىك سەگمەنتىندە وڭ قارقىن بايقالادى – وتكەن جىلدىڭ ءتيىستى كەزەڭىمەن سالىستىرعاندا اۋىل شارۋاشىلىعى جانە مال شارۋاشىلىعى 2,9%-عا, نەگىزگى كاپيتالعا سالىنعان ينۆەستيتسيالار 2,6%-عا, قۇرىلىس كولەمى 8,7%-عا ءوستى.
بيىل جامبىل وبلىسىندا 550 مىڭعا جۋىق شارشى مەتر تۇرعىن ءۇي پايدالانۋعا بەرىلەدى, 34 سۋمەن جابدىقتاۋ نىسانىن پايدالانۋعا بەرۋ جوسپارلانعان. جەرگىلىكتى ماڭىزى بار اۆتوجولداردى جوندەۋ بويىنشا 23 جوبا ىسكە اسىرىلۋدا, ونىڭ ىشىندە "تاراز قالاسىنان قىرعىزستان شەكاراسىنا دەيىنگى وڭتۇستىك اينالما جولى" اۆتوجولىن سالۋ", "تاراز – سارىكەمەر – تۇيمەكەنت – اقشولاق" وبلىستىق ماڭىزى بار اۆتوموبيل جولىن رەكونسترۋكتسيالاۋ", "تاراز – جەتىباي – تەگىستىك – ويىق" اۆتوموبيل جولىن رەكونسترۋكتسيالاۋ" جوبالارى بار.
2020-2025 جىلدارعا ارنالعان يندۋستريالدى-يننوۆاتسيالىق دامۋ مەملەكەتتىك باعدارلاماسى اياسىندا جامبىل وبلىسىندا جالپى سوماسى 1051,6 ملرد تەڭگەگە 24 ينۆەستيتسيالىق جوبا جۇزەگە اسىرىلىپ جاتىر. "قاراپايىم زاتتار ەكونوميكاسى" باعدارلاماسى بويىنشا 68,6 ملرد تەڭگەگە 114 جوبا ماقۇلداندى, ونىڭ ىشىندە 2,2 ملرد تەڭگەگە 89 جوبا قارجىلاندىرىلدى.
وسى جىلدىڭ 1 ماۋسىمىنداعى جاعداي بويىنشا جۇمىسپەن قامتۋدىڭ بەلسەندى شارالارىمەن شامامەن 17 مىڭ ادام قامتىلدى. "جۇمىسپەن قامتۋدىڭ جول كارتاسى" باعدارلاماسى اياسىندا 831 ينفراقۇرىلىمدىق جوبا جۇزەگە اسىرىلۋدا.
مەملەكەت باسشىسىنىڭ تاپسىرماسى بويىنشا جامبىل وبلىسىندا اۋىلدا كووپەراتسيالىق تىزبەكتى دامىتۋ جونىندەگى "الاڭنان سورەگە دەيىن" جوباسى جۇزەگە اسىرىلىپ جاتىر. ول اۋىل شارۋاشىلىعى ونىمدەرىنىڭ يمپورتىن قىسقارتۋعا, باعانى تۇراقتاندىرۋعا جانە وتاندىق وندىرۋشىلەردى قولداۋعا باعىتتالعان. ازىق-ت ۇلىك تاۋارلارىن تۇراقتى ساتىپ الۋدى قامتاماسىز ەتۋگە 50 ساۋدا ورنى مەن كوتەرمە-تاراتۋ ورتالىعى, سونداي-اق 21 وڭدەۋ كاسىپورنى, 45 شارۋا قوجالىعى مەن 10 كووپەراتيۆ قاتىسادى.
سونىمەن قاتار اۋىل تۇرعىندارىنىڭ تابىسىن ارتتىرۋ جونىندەگى پيلوتتىق جوبا ىسكە اسىرىلىپ جاتىر, ونىڭ اياسىندا 7,2 ملرد تەڭگە سوماسىنا 2478 ءوتىنىم قارجىلاندىرىلدى, وبلىستىڭ 11 اۋىلدىق وكرۋگىندەگى 7856 اۋلا قامتىلدى.
بيىل قورداي اۋدانىندا الەۋمەتتىك, كولىك جانە ينجەنەرلىك ينفراقۇرىلىمدى دامىتۋ بويىنشا جالپى قۇنى 20,5 ملرد تەڭگە بولاتىن 387 جوبا جۇزەگە اسىرىلۋدا. 268 كەنتىشىلىك كوشەلەردى جانە اۋداندىق ماڭىزى بار 4 اۆتوجولدى قوسا العاندا, 350 كم-دەن استام جول جوندەلەدى. مەملەكەت باسشىسىنىڭ تاپسىرماسى بويىنشا وسى جىلدىڭ سوڭىنا دەيىن قاراكەمەر, اۋقاتتى, بۇلار باتىر, سورتوبە, ماسانچي, قاراسۋ, وتەگەن – 7 اۋىلى گازداندىرىلادى.
"نۇرلى جول" مەملەكەتتىك باعدارلاماسى اياسىنداعى قىرعىزستانمەن شەكاراداعى "قورداي" شەكارا وتكەلىن رەكونسترۋكتسيالاۋ جۇمىسى جولاۋشىلار اعىنىن 4 ەسەگە, ال اۆتوكولىكتىڭ مەملەكەتتىك شەكارا ارقىلى وتكىزۋ قابىلەتىن 2,5 ەسەگە ارتتىرۋعا مۇمكىندىك بەرەدى. قۇرىلىس جۇمىستارىن بيىل جەلتوقسان ايىندا اياقتاۋ كوزدەلگەن. الداعى كەزەڭدە قىرعىزستانمەن شەكاراداعى بارلىق 8 بەكەتتى كەزەڭ-كەزەڭىمەن رەكونسترۋكتسيالاۋ جوسپارلانىپ وتىر.
بيىلعى 12-13 ماۋسىمدا جامبىل وبلىسىنا جۇمىس ساپارى اياسىندا قر پرەمەر-ءمينيسترى اسقار مامين تاراز قالاسىندا, جامبىل جانە بايزاق اۋداندارىندا, سونداي-اق قورداي اۋدانىنىڭ ماسانچي, قاراكەمەر, سورتوبە جانە قورداي اۋىلدارىندا بولىپ, ءوڭىردى دامىتۋدىڭ مەملەكەتتىك باعدارلامالارىنىڭ ىسكە اسىرىلۋ بارىسىمەن تانىستى.
