كوروناۆيرۋستىق ينفەكتسيانىڭ سيمپتومسىز ءتۇرى بار ناۋقاس امبۋلاتوريالىق نەگىزدە مەديتسينالىق باقىلاۋدان ءوتىپ, ۇيدە وقشاۋلانۋى كەرەك. دەنساۋلىق ساقتاۋ باسقارماسىمەن COVID-19 بار ناۋقاستارعا ارنالعان ءتيىستى پاراقشالار تاراتىلدى.
ءۇي كارانتينىندەگىلەر كەلەسى ەرەجەلەردى ساقتاۋى كەرەك:
- ۇيدەن شىقپاڭىز.
- تۇشكىرگەندە نەمەسە جوتەلگەندە اۋزىڭىز بەن مۇرنىڭىزدى ۆيرۋستىڭ تارالۋىن بولدىرماس ءۇشىن ءبىر رەتتىك سۇلگىمەن جابىڭىز. وسىدان كەيىن بىردەن قولىڭىزدى سابىنمەن جۋىڭىز نەمەسە الكوگولگە نەگىزدەلگەن انتيسەپتيكپەن وڭدەڭىز. ارقاشان تىعىز مەديتسينالىق ماسكا كيىپ, ءار 2 ساعات سايىن اۋىستىرىڭىز.
- تاماقتانۋ الدىندا, سونداي-اق دارەتحاناعا بارعاننان كەيىن قولدى سابىنمەن جۋىڭىز نەمەسە انتيسەپتيكپەن وڭدەڭىز. قولدى ءسۇرتۋ ءۇشىن ءبىر رەتتىك مايلىقتاردى قولدانعان دۇرىس.
- جەكە ىدىس-اياق قولدانىڭىز.
- ەگەر سىزدە تەمپەراتۋرا نەمەسە بۇزىلۋ بەلگىلەرى بايقالسا, ءسىز كارانتين تۋرالى حابارلاپ جانە شاقىرۋ سەبەبىن كورسەتە وتىرىپ COVID-19 بايلانىس ورتالىعىنا حابارلاسۋىڭىز كەرەك نەمەسە جەدەل جاردەم شاقىرۋىڭىز كەرەك.
ناۋقاستى قاشىقتان باقىلاۋ جۇرگىزىلەدى. ونى قامتاماسىز ەتۋ ءۇشىن:
- ۇيدە كارانتيندە تۇرعان ادامعا سمارتفونعا Smart Astana ءموبيلدى قوسىمشاسىن ورناتىڭىز جانە قوسىمشانىڭ بارلىق رۇقساتتارىن بەرىڭىز (GPS, WIFI, Bluetooth).
- «مەن كارانتيندەمىن» رەجيمىن قوسىڭىز جانە ءۇي كارانتينى كەزىندە ونى سوندىرمەڭىز.
- تەلەفون ۇنەمى ينتەرنەتكە قوسۋلى بولۋى كەرەك
- ءموبيلدى قوسىمشا بەلسەندى بولۋى كەرەك (قوسىمشانىڭ كۇيىن حابارلاندىرۋدا نەمەسە كۇي ۆيدجەتىندە بايقاۋعا بولادى)
- ۇيدەگى كارانتين فۋنكتسياسىن پايدالانۋ كەزىندە پايدالانۋشى GPS, Bluetooth جانە WIFI رەجيمىن وشىرمەۋى كەرەك.
سونىمەن قاتار ءۇي كارانتينى ساقتالعان وتباسى مۇشەلەرى ارنايى نۇسقاۋلاردى ورىنداۋى كەرەك.
ۇسىنىلادى:
- بوگدە ادامداردىڭ كەلۋىنە جول بەرمەڭىز.
- كارانتين بولمەسىنە كىرگەن كەزدە, اۋزىڭىز بەن مۇرنىڭىزدى جاۋىپ تۇراتىن تىعىز مەديتسينالىق ماسكا كيۋىڭىز كەرەك. مەديتسينالىق ماسكا دىمقىل نەمەسە كىر بولىپ كەتسە, ونى تەز ارادا جاڭاسىنا اۋىستىرۋ كەرەك. مەديتسينالىق ماسكانى ءتيىستى تەحنيكانى قولدانىپ الىڭىز, ياعني الدىڭعى بولىگىن ۇستاماڭىز.
- كۇن سايىن كەمىندە 2 رەت وتباسىنىڭ ءار مۇشەسى ءۇشىن دەنە تەمپەراتۋراسىن ولشەۋ.
- ءۇي-جايلاردى كۇنىنە كەمىندە 2 رەت جەلدەتىڭىز. كۇن سايىن دىمقىل تازالاۋ جۇرگىزىڭىز.
- قولدى ءجيى سابىنداپ جۋىڭىز نەمەسە انتيسەپتيكپەن ءسۇرتىڭىز, قولدى ءسۇرتۋ ءۇشىن ءبىر رەت قولدانىلاتىن مايلىقتاردى قولدانعان دۇرىس.
- وتباسىنىڭ ءار مۇشەسى جەكە ىدىس-اياقتى, جەكە گيگيەنا قۇرالدارىن پايدالانادى.
- تۇشكىرگەندە نەمەسە جوتەلگەندە اۋزىڭىز بەن مۇرنىڭىزدى ۆيرۋستىڭ تارالۋىن بولدىرماس ءۇشىن ءبىر رەتتىك سۇلگىمەن جابىڭىز. وسىدان كەيىن بىردەن قولىڭىزدى سابىنمەن جۋىڭىز نەمەسە انتيسەپتيكپەن وڭدەڭىز.
- ەگەر وتباسىنىڭ كەز كەلگەن مۇشەسىندە دەنە قىزۋى كوتەرىلسە نەمەسە اۋرۋدىڭ بەلگىلەرى بولسا, ءسىز تەز ارادا COVID-19 بايلانىس ورتالىعىنا قوڭىراۋ شالىپ نەمەسە جەدەل جاردەم شاقىرىپ, كارانتين تۋرالى حابارلاپ جانە شاقىرۋ سەبەبىن كورسەتىڭىز.
