ايماقتىق كوميسسيا ۋاقتىلى شەشىمدەر قابىلدايدى.
"بۇگىنگى كۇنى وبلىستا 84 ادام جامان ىندەتكە ۇشىراعان. سونىڭ 48 سىرقاتىنان ەمدەلدى. سوڭعى كەزدەرى سىرقاتقا ۇشىراعانداردىڭ ءبارى سىرتتان كەلگەندەر. رەسەي فەدەراتسياسىمەن اراداعى شەكارا اشىلعاننان بەرى 3 سانيتارلىق-باقىلاۋ پۋنكتى جۇمىس ىستەيدى, ولاردان كۇنىنە ستۋدەنتتەر جانە ۆاحتالىق ادىسپەن جۇمىسقا بارعاندار, جۇك تاسىمالىمەن اينالىسۋشىلار بار – بارلىعى 400-دەي ادام وتەدى. دەرتتى سىرتتان اكەلىپ جاتقاندار وسىلار. قازىر 35 ادام ەمدەلۋدە, 31 جاعدايى قاناعاتتانارلىق, 3 ءبىر قالىپتى, ال بىرەۋىنىڭ جاعدايى اۋىر.
28 ساۋىردەن باستاپ كارانتيندىك رەجىمنىڭ جەڭىلدەتىلۋى باستالعان. قازىر ونەركاسىپ, قۇرىلىس, ساۋدا ورىندارى مەن قىزمەت كورسەتۋ سالاسى تولىق كۇشىندە جۇمىس ىستەپ تۇر. 80 مىڭنان ارتىق ادام جۇمىس ورىندارىنا ورالدى. وبلىس ىشىندەگى جانە وبلىسارالىق قاتىناستار بارلىق كولىك تۇرلەرىنە اشىلعان. الايدا, وبلىستا كارانتيندىك شارالار ءالى دە جالعاسۋدا. سوڭعى كەزدەرى ناۋقاسقا ۇشىراعاندارمەن كونتاكتىدە بولعان ادامداردىڭ بويىنان دەرت كوپ تابىلۋدا. جۋىردا ءۇش جاسار بوبەكتىڭ بويىنان دا دەرت تابىلدى. ونىڭ الەگىمەن بالالار باقشاسى تۇگەلىمەن 14 كۇنگە كارانتينگە جابىلدى. قازىر كونتاكتىگە تۇسكەن ادامدار انىقتالۋدا.
سوڭعى ءۇش كۇندە دەرتتىڭ كوبەيۋى 16,6 پايىزعا ارتقان. سوندىقتان وڭىردە كارانتيندىك شارالارمەن قاتار سانيتارلىق رەجىم كۇشەيەتىن بولادى. سونىڭ ىشىندە ىشىندە بالالاردىڭ جازعى دەمالىس لاگەرلەرىنىڭ, كينوزالداردىڭ, كومپيۋتەرلىك كلۋبتاردىڭ, ويىن الاڭدارىنىڭ جانە ساۋدا-ويىن-ساۋىق ورتالىقتارىنداعى فۋد-كورتتاردىڭ اشىلۋ مەرزىمى كەيىنگە شەگەرىلەدى", - دەدى اسقار ساقىپكەرەەۆ.
سولتۇستىك قازاقستان وبلىسى
