ەلوردا • 13 ماۋسىم، 2020

ەلوردادا قانشا كوشە جوندەلدى؟

48 رەت كورسەتىلدى

نۇر-سۇلتان قالاسىندا جول جوندەۋ قارقىندى جۇرگىزىلۋدە. بيىل ەلوردادا جالپى ۇزىندىعى 100 كم بولاتىن 150 كوشە جوندەلەدى. ونىڭ ىشىندە 100 كوشە تۇرعىن ۇيلەر ورنالاسقان كوشەلەر. بۇل تۋرالى اكىمدىكتىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

ەلوردا اكىمى التاي كولگىنوۆ تۇرعىن ۇيلەر ورنالاسقان بىرقاتار كوشەلەردەگى جول جۇمىستارىنىڭ بارىسىمەن تانىستى. ء"وندىرىس" تۇرعىن ءۇي الابىنىڭ تۇرعىندارىنىڭ ايتۋىنشا، اقبيداي كوشەسىندە بۇرىن اسفالت بولماعان. ء"بىزدىڭ كوشەلەرگە العاش رەت اسفالت توسەلدى، ەندى بالشىق، لاي بولمايدى دەپ سەنەمىز. كوكتەمدە ءۇيىمىزدى ءبىرىنشى رەت سۋ باسپادى، سەبەبى اۋداندى قاردان ۋاقىتىلى تازالادى"، - دەدى ء"وندىرىس" الابىنىڭ تۇرعىنى ناتاليا فەلدە.

تۇرعىن ءۇي الابىنىڭ تۇرعىندارى كوپتەگەن ماسەلەلەردى كوتەردى. ماسەلەن، بالالارعا ارنالعان الاڭدار، كارىز جۇيەسىن جۇرگىزۋ، سۋدىڭ اعىنىن ارتتىرۋ جانە ت.ب. ماسەلەلەردى اتاپ ءوتتى. بيىل ەلوردادا 150 اۋلا اباتتاندىرىلادى، سونىمەن قاتار تۇرعىن ءۇي الاپتارىندا ءۇش سپورت كەشەنىنىڭ قۇرىلىسى باستالادى. الەۋمەتتىك تۇرعىن ۇيلەر مەن تىلەنديەۆ داڭعىلىنداعى جىلۋ ماگيسترالى قۇرىلىستارى جۇرگىزىلۋدە. بۇل اۋداندا ورنالاسقان بارلىق ۇيلەر مەن عيماراتتاردى ورتالىقتاندىرىلعان جىلۋمەن قامتاماسىز ەتۋگە مۇمكىندىك بەرەدى، سونداي-اق جەكە سەكتورعا گازداندىرۋ جۇمىستارى جۇرگىزىلۋدە. تۇرعىندار قوزعاعان ماسەلەلەر باقىلاۋعا الىندى.

بۇگىندە 26 كوشەدە: اباي داڭعىلى، جەڭىس داڭعىلى، شۇعىلا كوشەسى، بۇحارباي باتىر كوشەسى، اسان قايعى كوشەسى، نۇرجول بۋلۆارى، موسكوۆسكايا كوشەسى، "تۇلپار" كوپىرىندەگى بۇرىلىس جولى، تاحا حۋسەين كوشەسى، س. تورايعىروۆ كوشەسى، تۇران داڭعىلى، م. ماقاتاەۆ كوشەسى، كەنەسارى كوشەسى، نۇرلىجول كوشەسى، دوستىق كوشەسى، بوگەنباي باتىر داڭعىلى، ءوندىرىس كوشەسىندە جوندەۋ جۇمىستارى اياقتالدى. ونىڭ ىشىندە بىرقاتار تۇرعىن الاپتارىندا جوندەۋ جۇمىستارى اياقتالدى. ولار: اقپان، جولىمبەت، بەلاسار، بالۋان شولاق، قىرىققىز، مارقاكول، قاراساز، نۇرلى، اقبەرگەن كوشەلەرى. قازىرگى ۋاقىتتا 30-دان استام كوشەدە، ونىڭ 21-ءى تۇرعىن ءۇي الاپتارىندا، جوندەۋ جالعاسۋدا: ورحون كوشەسى، شىرايلى قيىلىسى، قاپال كوشەسى، م. تولەباەۆ كوشەسى، ا. بايتۇرسىنوۆ كوشەسى، مارالساي قيىلىسى، جەلدىرمە قيىلىسى، قوعالى قيىلىسى، قاماجاي كوشەسى، تايسويعان كوشەسى، اقبيداي كوشەسى، كەڭشالعىن كوشەسى، ءوندىرىس كوشەسى، اقشاعىل كوشەسى، باسىقارا باتىر كوشەسى، سونار كوشەسى، سىرعالى كوشەسى، اققايىڭ كوشەسى (كوكتال-1 جم). سونداي-اق، كونستيتۋتسيا، ءال-فارابي (ۋگولنايا)، د. قوناەۆ، ق. ساتپاەۆ، ا. بايتۇرسىنوۆ، ى.دۇكەن ۇلى، فاحد بەن ابدۋل ازيز، ۋگولنايا كوشەسىنىڭ جالعاسى (تەمىرجول تا)، تۇركىستان، اقمەشىت كوشەلەرى. "جۇمىسپەن قامتۋدىڭ جول كارتاسى" باعدارلاماسى بويىنشا بيىل 15 مىڭ جۇمىس ورنى اشىلىپ، جول جۇمىستارى بويىنشا 1،5 مىڭ بوس ورىن بولىنەدى. ءبىرىنشى كەزەكتە ازاماتتار جۇمىسپەن قامتۋ ورتالىقتارى ارقىلى جۇمىسقا ورنالاستىرىلادى.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار