بۇل بىرىڭعاي كەلبەتتى 2 قاباتتى تاۋن-حاۋس جانە 1 قاباتتى جەكە ۇيلەردەگى پاتەرلەردىڭ 1 شارشى مەترى "نۇرلى جەر" باعدارلاماسىمەن 120 مىڭ تەڭگەگە ۇسىنىلۋدا.
قالالىق اكىمدىكتىڭ مالىمەتىنشە, بۇل اۋماق كەنجەكول اۋىلدىق اۋماعىنا قاراستى بولعاندىقتان, جەرگىلىكتى اكىمدىك "نۇرلى جول" باعدارلاماسى ارقىلى باسپانانى ساتۋ تۋرالى حابارلاندىرۋ بەرگەن. جالپى, اۋەجاي قالاشىعىنداعى جەكە ۇيلەر قۇرىلىسىنا جەر تەلىمى 2007 جىلى بەرىلگەن. سول كەزدە جەر كودەكسىنىڭ تالابىنا سايكەس كەزەكتە تۇرعان ازاماتتارعا 10 سوتتىق جەر تەگىن ۇلەستىرىلدى, قوسىمشا شارۋاشىلىق ماقساتىندا 5 سوتىقتان ساتىپ العان.
بىراق, ينجەنەرلىك ينفراقۇرىلىمنىڭ (ەلەكتر جەلىسى, سۋ جانە كاناليزاتسيا قۇبىرلارى, جىلۋ كوزى) تارتىلماعاندىقتان, جەر ۋچاسكەسىنىڭ يەلەرىنىڭ 10 جىلدان استام ۋاقىت بويى قۇرىلىس باستاماعان. كەيىن قالالىق قۇرىلىس ءبولىمىنىڭ تاپسىرىسىمەن رەسپۋبليكالىق بيۋدجەتتەن ەكى كەزەڭمەن بولىنگەن قارجىعا ەلەكتر جەلىسى تارتىلادى.
ال, 120-دان استام ادامنىڭ جەر ۋچاسكەلەرى ۋاقىتىندا يگەرىلمەۋى سەبەپتى مەملەكەتكە قايتارىلعان. بىراق, 120 شارشى مەتردەن اساتىن, 2 قاباتتى تاۋن-حاۋستارعا ورتالىق جىلۋ قۇبىرى تارتىلماعاندىقتان, تۇرعىندار ۇيلەرىن جەكە پەشپەن جىلىتۋعا ءماجبۇر. ءتىپتى, جىلۋ قۇبىرلار تارتىلعان, بىراق, ۇرلانعان, وبلىس ورتالىعىنداعى دوستىق جاڭا شاعىن اۋدانىن جىلۋمەن قامتۋعا پايدالانىلعان كورىنەدى. تۇرعىندار وبلىستىق اكىمدىكتەن كىنالىلەردى تاۋىپ, جىلۋ قۇبىرىن قايتا قالپىنا كەلتىرۋگە ماجبۇرلەۋ كەرەكتىگىن سۇرايدى. جەرگىلىكتى اكىمدىكتەر, قۇقىق قورعاۋ ورگاندارىنا رەسمي سۇرانىس تۇسىرمەك.
پاۆلودار وبلىسى
