وبلىس اكىمى ءباسپاسوز قىزمەتىنىڭ حابارلاۋىنشا, وتكەن تاۋلىكتە 14 ادامنان قاۋىپتى ىندەتتىڭ بەلگىسى تابىلعان. ولاردىڭ ۇشەۋى –تەڭىز كەنىشىندەگى مەردىگەر مەكەمەلەردە جۇمىس ىستەگەن جۇمىسشىلار. سونداي-اق, اتىراۋ قالاسىنىڭ 9, قىزىلقوعا اۋدانىنىڭ 1, يندەر اۋدانىنىڭ 1 تۇرعىنى دا كوروناۆيرۋستىڭ «قاقپانىنا» ءتۇسىپ وتىر.
ناۋقاستاردىڭ ءبارى ينفەكتسيالىق اۋرۋحاناعا جاتقىزىلىپ, حاتتاماعا سايكەس ەم قابىلداپ جاتىر. ولارمەن بايلانىستا بولعاندار انىقتالىپ, ىندەت وشاقتارىندا ەپيدەميولوگيالىق زەرتتەۋ, دەزينفەكتسيالىق جۇمىستار جۇرگىزىلۋدە.
سوڭعى مالىمەتكە سۇيەنسەك, اتىراۋدا كوروناۆيرۋس ينفەكتسياسىن جۇقتىرعان ناۋقاستار سانى 1246 ادامعا جەتىپ وتىر. ونىڭ ىشىندە 892 پاتسيەنت جازىلىپ شىقتى.
