Inditex كونتسەرنىنىڭ يەسى امانسيو ورتەگا تەك Zara-نىڭ عانا ەمەس, سونداي-اق Bershka, Pull & Bear جانە Massimo Dutti دۇكەندەرىنىڭ يەسى. ونىڭ ايتۋىنشا, كوبىندە ەسكى جانە شاعىن دۇكەندەر جابىلادى. ەسەسىنە ونلاين-ساتىلىم ۇلعاياتىن بولدى.
مالىمدەمەگە سايكەس, قىزمەتكەرلەر سانى قىسقارمايدى. ەندى ولار ونلاين ساتىلىم بويىنشا جۇمىس ىستەيتىن بولادى. Inditex دۇكەندەرىنىڭ سانى 7 412-دەن 6 700-گە دەيىن قىسقارادى. سونداي-اق جاڭا 450 دۇكەننىڭ اشىلاتىنى بەلگىلى بولدى. الايدا ولاردىڭ قايدا اشىلاتىنى ازىرگە بەلگىسىز.
الەمدەگى ەڭ ءىرى كيىم ريتەيلەرلەرىنىڭ ءبىرى Inditex پاندەميا كەزىندە قاتتى زارداپ شەكتى. 1 اقپان - 30 ءساۋىر ارالىعىندا ساتىلىم 44% - عا ياعني 3,3 ملرد ەۋروعا دەيىن تومەندەدى. كومپانيانىڭ مالىمەتىنشە, وسى جىلدىڭ ءبىرىنشى توقسانسانىنداعى تازا شىعىن 409 ميلليون ەۋرونى قۇراعان. دەگەنمەن, ونلاين ساتىلىم توقسان ىشىندە جىلدىق ەسەپپەن سالىستىرعاندا 50% - عا جانە ءساۋىر ايىندا جىلدىق ەسەپپەن 95% - عا وسكەن.
